ვლადიმერ კონსტანტინიდი სუსის საინფორმაციო- ანალიტიკური დეპარტამენტის დირექტორად დაინიშნა

2026-02-16 11:22:45, 631 ნახვა

პოლიტიკა

სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორად ვლადიმერ კონსტანტინიდი დაინიშნა. ინფორმაციას სახელმწიფო უსაფრთხოების სამსახური ავრცელებს.

კონსტანტინიდი 2025 წლის სექტემბრიდან ამ დრომდე დაზვერვის სააგენტოს ხელმძღვანელობდა. მას ამ პოსტზე მიხეილ ძაგნიძე შეცვლის.

კონსტანტინიდი სუსში მუშაობამდე საგარეო საქმეთა სამინისტროში მუშაობდა. 2018-2020 წლებში იყო საქართველოს საგარეო საქმეთა სამინისტროს საგანგებო დავალებათა ელჩი; 2020 წლიდან – საქართველოს საგარეო საქმეთა მინისტრის მოადგილე;

2017-2018 – საქართველოს საგარეო საქმეთა სამინისტროს საკონსულო დეპარტამენტის დირექტორის მოადგილე;
2012-2017 – საქართველოს საგანგებო და სრულუფლებიანი ელჩი ავსტრალიის თანამეგობრობაში; აკრედიტებული ახალ ზელანდიაში, ფიჯის რესპუბლიკაში, ვანუატუს რესპუბლიკაში, ტუვალუში, სამოას დამოუკიდებელ სახელმწიფოში, სოლომონის კუნძულებზე, ტონგას სამეფოში და კირიბატის რესპუბლიკაში;
2009-2012 – საქართველოს საგანგებო და სრულუფლებიანი ელჩი კვიპროსის რესპუბლიკაში.
2008 – ისრაელის სახელმწიფოში საქართველოს საელჩოს საქმეთა დროებითი რწმუნებული.
2005-2008 – ისრაელის სახელმწიფოში საქართველოს საელჩოს კონსული;
2004-2005 – საქართველოს საგარეო საქმეთა სამინისტროს საკონსულო დეპარტამენტის საკონსულო-სამართლებრივ საკითხთა სამმართველოს უფროსი;
2004 – საქართველოს შინაგან საქმეთა სამინისტროს საგამოძიებო დეპარტამენტის უფროსის მოადგილე;
2001-2004 – საქართველოს ფინანსთა სამინისტროს გენერალური ინსპექციის უფროსი;
2001-2004 – საქართველოს ფინანსთა სამინისტროს გენერალური ინსპექციის უფროსი;
1996-1999 – საქართველოს პარლამენტის ანტიკორუფციული საგამოძიებო კომისიის მთავარი სპეციალისტი;
1989-1995 – მუშაობდა სხვადასხვა პოზიციაზე: თბილისის საქალაქო სასამართლოში, შინაგან საქმეთა სამინისტროში, სამთავრობო ობიექტების დაცვის სამსახურში;