სოფლის მეურნეობის სამინისტროს კომპეტენციის ცენტრის ორგანიზებით და ევროკავშირის ყოვლისმომცველი ინსტიტუციური განვითარების პროექტის (CIB) მხარდაჭერით, ქ. ახალციხეში მეფუტკრე-კოოპერატივებისთვის საინფორმაციო ტრეინინგი ჩატარდა.

სოფლის მეურნეობის სამინისტროს ინფორმაციით, ტრეინინგის ფარგლებში, მეფუტკრე ფერმერებს გააცნეს თაფლთან დაკავშირებით ევროკავშირის ბაზარზე მოქმედი სტანდარტები და მოთხოვნები. აგრეთვე ის ახალი რეგულაციები, რომლებიც განხორციელდა ქართულ კანონმდებლობაში ევროკავშირის კანონმდებლობასთან დაახლოების მიზნით. 2015 წლიდან ძალაში შევიდა თაფლის შესახებ ტექნიკური რეგლამენტი , რომელიც ადგენს მოთხოვნებს ნატურალური თაფლის მიმართ და აწესრიგებს ბიზნესოპერატორის მიერ თაფლის წარმოებისა და ბაზარზე განთავსების საკითხებს. დადგინდა მონიტორინგის სამოქმედო გეგმა, რომლის მიხედვითაც განისაზღვრა თაფლში აკრძალული ვეტერინარული პრეპარატების ჩამონათვალი.

შეხვედრას სოფლის მეურნეობის სამინისტროში შემავალი უწყებების წარმომადგენლები ესწრებოდნენ,რომლებმაც დეტალურად ისაუბრეს დარგის განვითარების მიზნით მიმდინარე პროექტებზე და სამომავლო გეგმებზე.

აღინიშნა რომ მეფუტკრეობის განვითარება ერთ-ერთი პრიორიტეტული მიმართულებაა. სახელმწიფოს მიერ განხორციელებული მხარდამჭერი ღონისძიებები მიზნად ისახავს დარგის სტიმულირებას , ევროკავშირის სტანდარტების დამკვიდრებას და ქართული თაფლის საექსპორტო პოტენციალის გაზრდას.

სოფლის მეურნეობის სამინისტროს კომპეტენციის ცენტრი მსგავსი ღონისძიებების  ჩატარებას გეგმავს საქართველოს ყველა რეგიონში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს