სენაკში, ზუგდიდსა და ფოთში გამართული შეხვედრების მონაწილეები პროგრამის მიმდინარეობას, განვითარების პერსპექტივებს და დაბერების კუთხით ქვეყანაში არსებულ მდგომარეობას გაეცნენ.

შეხვედრებში ადგილობრივი მუნიციპალიტეტების, არასამთავრობო ორგანიზაციების, საგანმანათლებლო დაწესებულებების, მედიის  წარმომადგენლები, ასევე, დაინტერესებული ახალგაზრდები და რიგითი მოქალაქეები მონაწილეობდნენ.

"ამგვარი შეხვედრებით მუნიციპალიტეტებსა და დაინტერესებულ პირებს ვაწვდით ინფორმაციას იმის შესახებ, რომ არსებობს გამოსავალი ზრუნვის საჭიროების მქონე პირთათვის - ჩვენი იმ თანამოქალაქეებისთვის, ვინც სიბერისა თუ ავადმყოფობის გამო დაუძლურებულია და საკუთარ თავს ვერ უვლის. აღნიშნული პრობლემა მძიმე ტვირთად აწევს საქართველოს მოსახლეობის 8%-ს. ჩვენ დასავლეთის ქვეყნებში ვისწავლეთ და საქართველოში განვახორციელეთ შინმოვლის პილოტური პროექტები. ეს არის იაფი და ეფექტური მომსახურება, რომლის მეთოდოლოგია შემუშავებულია და მზად არის დასანერგად ქვეყნის მასშტაბით. შინმოვლის დანერგვით განსაკუთრებული საჭიროების მქონე პირები მიიღებენ მათთვის საჭირო მომსახურებას, რაც მნიშვნელოვნად განტვირთავს საყოველთაო ჯანდაცვის პროგრამას. შინმოვლის შესახებ ინფორმაციის გავრცელება ხელს შეუწყობს საჭიროების გადაქცევას მოთხოვნად, რაც პროგრამის დანერგვის წინაპირობაა," - განაცხადა შინმოვლის კოალიციის აღმასრულებელმა დირექტორმა უჩა ვახანიამ.

პროექტი ხორციელდება გერმანული ფონდის "Bread for the World" დაფინანსებით, „კონსულტაციისა და ტრენინგის ცენტრის“ მხარდაჭერით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს