საქართველოს საგარეო საქმეთა მინისტრმა მიხეილ ჯანელიძემ საქართველოში სომხეთის რესპუბლიკის საგანგებო და სრულუფლებიანი ელჩი მიიღო.

როგორც "ექსპრესნიუსს" საგარეო საქმეთა სამინისტროდან აცნობეს, 23 მარტს მიხეილ ჯანელიძემ საქართველოში სომხეთის რესპუბლიკის საგანგებო და სრულუფლებიანი ელჩი იური ვარდანიანი მიიღო.
შეხვედრისას საქართველოსა და სომხეთის რესპუბლიკის ორმხრივი ურთიერთობების დღის წესრიგში არსებულ საკითხთა ფართო სპექტრი განხილეს. კმაყოფილებით აღინიშნა მაღალი დონის ვიზიტების გაცვლის არსებული დინამიკა, რაც ორი ქვეყნის მეგობრული და კეთილმეზობლური ურთიერთობების კიდევ უფრო გაღრმავებას უწყობს ხელს.

საუბარი ასევე საქართველოს საგარეო საქმეთა მინისტრის სომხეთის რესპუბლიკაში დაგეგმილ ვიზიტს შეეხო, რომელიც 24-25 მარტს გაიმართება. ვიზიტის ფარგლებში, საქართველოს საგარეო საქმეთა მინისტრი თავის სომეხ კოლეგას ედვარდ ნალბანდიანს, სომხეთის რესპუბლიკის პრეზიდენტს სერჟ სარგსიანს და პრემიერ-მინისტრს ჰოვიკ აბრაჰამიანს შეხვდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში

ორიოლის სამხედრო ქარხანაზე სარაკეტო თავდასხმის შედეგად რვა ადამიანი დაშავდა, ერთი გარდაიცვალა

ტრამპი დაემუქრა რუსეთსა და უკრაინას 200%-იანი ტარიფების დაწესებით, თუ ომი გაგრძელდება

ორ პირს რომლებმაც მოქალაქეს ინტიმური ვიდეო გაუვრცელეს და თვითმკვლელობამდე მიიყვანეს ,ხოლოდ 5 წელი შეეფარდათ