არანაირი ნიშანი არ არსებობს, რომ რუსები ომის დასასრულებლად ემზადებიან, სამართლიანი მშვიდობისთვის რუსეთზე ზეწოლა უნდა განხორციელდეს, – ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

უკრაინის პრეზიდენტმა აღნიშნა, რომ ბოლო რამდენიმე დღის განმავლობაში პარტნიორებთან ხანგრძლივი საუბრები ჰქონდა.

მისივე თქმით, არსებობენ ქვეყნები, განსხვავებული პერსპექტივები, მაგრამ მათი პოზიცია ერთნაირია.

„ომი უნდა დასრულდეს. უნდა გამოვიყენოთ უკრაინისა და ჩვენი პარტნიორების გამოცდილება, რათა თავიდან ავიცილოთ რუსეთის მხრიდან ჩვენი მოტყუება. ამჟამად არ არსებობს არანაირი ნიშანი, რომ რუსები ომის დასასრულებლად ემზადებიან. უკრაინის, აშშ-ის, ევროპისა და ყველა იმ ქვეყნის, რომელიც მშვიდობას ეძებს, კოორდინირებულ ძალისხმევასა და ერთობლივ ქმედებებს ნამდვილად შეუძლია, აიძულოს რუსეთი დაამყაროს მშვიდობა. მადლობას ვუხდი ყველას, ვინც გვეხმარება“, – წერს ვოლოდიმირ ზელენსკი.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას