საქართველოს "პატრიოტთა ალიანსის" გენერალური მდივანი ირმა ინაშვილი  საგარეჯოში ჩატარებული შუალედური საპარლამენტო  არჩევნების დროს, სხვადასხვა საჯარო მოხელის მიერ უფლებამოსილების ბოროტად გამოყენების ფაქტზე, გამოძიების დასრულებას ეხმაურება.

პროკურატურის ინფორმაციით, შესაძლო დანაშაულის ჩადენის ფაქტი არ დადასტურდა.

როგორც ინაშვილმა "ექსპრესნიუსს" განუცხადა, პროკურატურის დასკვნა მოწმობს, რომ ბიძინა ივანიშვილი თინა  ხიდაშელისა და "ნაციონალური მოძრაობის" შანტაჟს წინააღმდეგობას ვერ, ან არ  უწევს.

მისივე თქმით, საგარეჯოს არჩევნების გაყალბების შესახებ დოკუმენტური ფილმი მზადდება და დღეს თუ არა ხვალ,  თავდაცვის მინისტრს  დანაშაულზე პასუხისგება მოუწევს.

"მიხარია, რომ პროკურატურამ ასეთ რეკორდულ ვადებში დაასრულა გამოძიება  საგარეჯოში არჩევნების გაყალბების თემაზე და აღმოაჩინა, რომ დანაშულს, თურმე, ადგილი არ ჰქონია. ეს მეტყველებს იმაზე, რომ ხელისუფლების დირექტორმა- თინა გამყალბებლოვამ ხელისუფლების დირექტორის პოსტი ჯერ-ჯერობით შეინარჩუნა. თუმცა, ამ სკამს ფეხიც მოტეხილი აქვს და ერთი რქაც. საზოგადოებამ იცის, რომ საგარეჯოს არჩევნების გაყალბების შესახებ მზადდება დოკუმენტური, ჟურნალისტური გამოძიება. ამ ძალიან საინტერესო ფილმს მალე იხილავთ, ამიტომ კვლავ ვაცხადებ: დღეს თუ არა ხვალ, ქალბატონ თინას მეორე რქაც მოტყდება და ციხეშიც ჩაჯდება. პროკურატურის დასკვნა კიდევ ერთხელ ცხადყოფს, რომ ივანიშვილი ვერ (თუ არ) უწევს წინააღმდეგობას თინა გამყალბებლოვასა და ნაცმოძრაობის ერთობლივ შანტაჟს. ეს კი, თავის მხრივ, ცხადყოფს, თუ რაოდენ სავალალო მდგომარეობაშია ჩვენი ქვეყანა",-განუცხადა ირმა ინაშვილმა "ექსპრესნიუსს".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში

ორიოლის სამხედრო ქარხანაზე სარაკეტო თავდასხმის შედეგად რვა ადამიანი დაშავდა, ერთი გარდაიცვალა

ტრამპი დაემუქრა რუსეთსა და უკრაინას 200%-იანი ტარიფების დაწესებით, თუ ომი გაგრძელდება

ორ პირს რომლებმაც მოქალაქეს ინტიმური ვიდეო გაუვრცელეს და თვითმკვლელობამდე მიიყვანეს ,ხოლოდ 5 წელი შეეფარდათ