პუტინო, შენი დრო მოდის, ტრამპი დაუწესებს ტარიფებს იმ ქვეყნებს, რომლებიც რუსულ ნავთობს ყიდულობენ: ჩინეთს, ინდოეთსა და ბრაზილიას, – ამის შესახებ აშშ-ის სენატორმა, ლინდსი გრემმა „ფოქს ნიუსთან“ ინტერვიუში განაცხადა.

გრემის თქმით, აშშ-ის პრეზიდენტი დონალდ ტრამპი 100%-იან ტარიფს დაუწესებს იმ ქვეყნებს, რომლებიც პუტინს ეხმარებიან.

„პუტინს ყოფილი საბჭოთა კავშირის, რუსეთის იმპერიის ხელახლა შექმნა სურს. მას სურს ისეთი ქვეყნების დაპყრობა, რომლებიც მისი არ არის. პუტინი არ გაჩერდება იქამდე, ვიდრე მას არ აიძულებენ, რომ გაჩერდეს. პუტინო, შენი დრო მოდის. დონალდ ტრამპი ამერიკული პოლიტიკისა და საგარეო დიპლომატიის სკოტი შეფლერია და მალე სერიოზულ დარტყმას მოგაყენებს. ტრამპი დაუწესებს ტარიფებს იმ ქვეყნებს, რომლებიც რუსულ ნავთობს ყიდულობენ: ჩინეთს, ინდოეთსა და ბრაზილიას. ამ სამმა ქვეყანამ შეიძინა რუსული იაფი ნავთობის დაახლოებით 80%, რაც რუსულ სამხედრო მანქანას ამუშავებს. ამიტომ პრეზიდენტი ტრამპი დაუწესებს 100%-იან ტარიფს ყველა ამ ქვეყანას, რათა დასაჯოს ისინი პუტინის დახმარებისთვის. პუტინი გადაიტანს ამ სანქციებს, მას არ ადარდებს რუსი ჯარისკაცები, მაგრამ ჩინეთი, ინდოეთი და ბრაზილია ახლა არჩევანის წინაშე დგანან, აირჩიონ ამერიკის ეკონომიკა თუ პუტინის დახმარება. ახლა მათ ამერიკის ეკონომიკის არჩევა მოუწევთ“, – განაცხადა გრემმა.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას