აზერბაიჯანის ხელისუფლებამ მესამე რუსი ჟურნალისტი დააკავა.

რუსული მედიის ინფორმაციით, დაკავებულია რუსული ვიდეო სააგენტოს, „რაფთლის“ ჟურნალისტი აიტეკინ გუსეინოვა, რომელიც რუსული „სპუტნიკ აზერბაიჯანის“ ოფისის გარეთ იღებდა ვიდეოს, სადაც ორშაბათს პოლიციამ რეიდი ჩაატარა.

სააგენტოს ცნობით, „რაფთლის” რედაქტორმა, აიტეკინ გუსეინოვამ დაახლოებით 20 წუთი გაატარა „სპუტნიკის” ოფისის გარეთ გადაღებებზე. მასთან კონტაქტი სწორედ მაშინ გაწყდა, როდესაც მან სამუშაოს დასრულების შესახებ განაცხადა, დედამისმა კი მისი დაკავება დღის ბოლოს დაადასტურა.

რეიდის დროს ადგილობრივმა პოლიციამ დააკავა „სპუტნიკის” რედაქციის ხელმძღვანელი იგორ კარტავიხი და მთავარი რედაქტორი, ევგენი ბელოუსოვი. აზერბაიჯანის შინაგან საქმეთა სამინისტრომ განაცხადა, რომ სააგენტო სამიზნე მას შემდეგ გახდა, რაც მიიღო ინფორმაცია, რომ ის „უკანონო დაფინანსებით“ ფუნქციონირებდა. თებერვალში ბაქომ ფაქტობრივად დახურა „სპუტნიკის“ ოფისი და აკრედიტაცია მხოლოდ ერთ ჟურნალისტს მისცა. თუმცა, გამოცემამ განაცხადა, რომ მას ოფიციალური აკრძალვა არასდროს მიუღია და ორი ქვეყნის საგარეო საქმეთა მინისტრები სააგენტოს მუშაობასთან დაკავშირებულ საკითხებს განიხილავენ.

ავტორი: ექსპრესნიუსი,

სოციალური ქსელები

შსს-მ ნარკოდანაშაულის ბრალდებით 84 პირი დააკავა

ონლაინ პლადფორმა „ისურვე“ გამოწერ ნივთებს აგვიანებს, ან თანხებს არ აბრუნებს, პლადფორმა გააფრთხილეს

თიბისის მხარდაჭერით „ქოლგა თბილისი ფოტო“ 25-ე საიუბილეო წელს აღნიშნავს

სადაზღვევო კომპანია Wizer Insurance-სა და JPD Group-ს შორის თანამშრომლობის მემორანდუმი გაფორმდა