“ჩვენთან არიან უსაფრთხოების ოფიცრები, რომლებიც  ქვეყნის უსაფრთხოებაზე არიან კონცენტრირებული”, - ამის შესახებ იუსტიციის მინისტრმა თეა წულუკიანმა უნივერსიტეტში  „ოდეერების“  შესაძლო არსებობასთან დაკავშირებით დასმულ კითხვაზე საპასუხოდ განაცხადა.

წულუკიანის თქმით, "ქართული ოცნების" ხელისუფლებამ  ე.წ. ოდეერების (უსაფრთხოების ოფიცრები) ხანა ქვეყანაში დაასრულა:

"ჩვენი ხელისუფლების პირობებში განხორციელდა უპრეცედენტო რეფორმა უსაფრთხოების სამსახურსა და ძალოვან სტრუქტურებში. სახელმწიფო უსაფრთხოების სამსახური ყველა სახელმწიფოს სჭირდება, თუ ის სახელმწიფოა. აქედან გამომდინარე "ქართული ოცნების" საარჩევნო დაპირების კვალდაკვალ გავყავით შსს და სახელმწიფო უსაფრთხოების სამსახური, რომელიც დღეს ცალკე სტრუქტურაა და ანგარიშვალდებულია პარლამენტის წინაშე.

მე ვთვლი, რომ ეს არის ის მოდელი, რომელიც ძალიან ახლოს არის იმ ევროპულ სტანდარტებთან, როდესაც სუს-ის უფროსს ირჩევს პარლამენტი, ანუ ხალხი, ხალხის წარმომადგენლები. მთლიანად ჩატარდა საკანონმდებლო რეფორმა პრაქტიკაშიც და ასევე ჩვენთან არიან უსაფთხოების ოფიცრები, რომლებიც  ქვეყნის უსაფრთხოებაზე არიან კონცენტრირებულნი.

ჩვენ ვართ ხელისუფლება, რომელმაც ოდეერების ხანა დაამთავრა ამ ქვეყანაში და მე ვთვლი, რომ დღევანდელი სახელმწიფო უსაფრთოების მოდელი არის იმ რეფორმის პოზიტიური შედეგი რომელიც გატარდა, თუმცა რეფორმები სხვადასხვა სახელისუფლებო შტოშიც გრძელდება", - განაცხად თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტუდენტებისთვის საქართველოს ბანკის განათლების პროგრამებზე განაცხადების მიღება დაიწყო

მოიგებს თუ არა კვარაცხელია ოქროს ბურთს? | მოლოდინები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში