„ხალხის ძალის“ თავმჯდომარის, დიმიტრი ხუნდაძის განცხადებით, მსოფლიო პროცესების განხილვის დროს აუცილებელია გათვალისწინებული იყოს აშშ-ში მიმდინარე შიდა პროცესებიც, რადგან „დიფ სთეითს“ დიდი წარმომადგენლობა ჰყავს სენატსა და კონგრესში.

მისი თქმით, საქართველოს ხელისუფლებას თავად საზოგადოება იცავს და ერთობლივად შექმნილია ფარი, საქართველო დაცულია.

„გასათვალისწინებელია ამერიკის შიდა პროცესები, სენატში და კონგრესშიც „დიფ სთეითს“ საკმაოდ დიდი წარმომადგენლობა აქვს და ყველაფერი ღიად და მკვახედ არ ითქმება, სწორედ ამიტომ არსებობს დიპლომატია. სადაც შეიძლება, რომ საკითხს გვერდი დიპლომატიურად აუარო, ასეც უნდა მოიქცე. სწორედ ეს იყო დღეს, უნგრეთში გამართულ კონსერვატიული პოლიტიკური მოქმედების კონფერენციაზე აშშ-ის პრეზიდენტის ჩართვა და მისი მხრიდან უნგრეთის ლიდერის პოზიტიური როლის აღიარება. უნგრეთის პრემიერმა ჩვენი პრემიერის მიმართ საკმაოდ დადებით კონტექსტში ისაუბრა და პირდაპირ თქვა, რომ ირაკლი კობახიძე არის საქართველოს გმირი და საქართველოში ყველას მოუგო არჩევნები. მან ასევე ირაკლი კობახიძის ხელმძღვანელობით, ხელისუფლების და საზოგადოების არჩევანის პოზიტიური როლი გამოკვეთა. პრაქტიკულად, ულტრალიბერალურ ძალებთან ბრძოლას საქართველო, თავის მასშტაბში, სრულიად წარმატებულად ახერხებს“, – განაცხადა დიმიტრი ხუნდაძემ.

მისი თქმით, უნგრეთსაც უწევს ბრიუსელთან ღირებულებით ღია დაპირისპირებაში შესვლა.

„დიფ სთეითის“ ქვედანაყოფები ბრიუსელშიც საკმაოდ არის წარმოდგენილი. ისინი ცდილობენ, საქართველოშიც დააფუძნონ მათი წარმატებული წარმომადგენლობები, მაგრამ არ გამოსდით, საქართველოს ხელისუფლება მყარად დგას. საქართველოს ხელისუფლებას თავად საზოგადოება იცავს და ერთობლივად შექმნილია ფარი, საქართველო დაცულია, არ მოხდება იმ რევოლუციური პროცესების განვითარება, რასაც ომში ჩართვა მოჰყვება. საქართველო არ დაადგა უკრაინის გზას. ვხედავთ, უკრაინაში პროცესები ძალიან მძიმედ განვითარდა, ბევრი გარდაცვლილია, დანგრეულია პრაქტიკულად მთელი ქვეყანა და მიუხედავად იმისა, რომ ამერიკის პრეზიდენტი დიდ ძალისხმევას მიმართავს, რომ უკრაინის ომი შეჩერდეს, წინააღმდეგობა იქაც არის და ჯერ ომს დასასრული მაინც არ უჩანს“, – განაცხადა დიმიტრი ხუნდაძემ.

ავტორი: ექსპრესნიუსი,

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.