აშშ გეგმავს NMESIS-ის ხომალდსაწინააღმდეგო სარაკეტო სისტემის განლაგებას ტაივანიდან 110 კილომეტრში მდებარე კუნძულზე, იაპონიასთან ერთობლივი მასშტაბური წვრთნების ფარგლებში, იუწყება Bloomberg-ი, რომელიც საქმეში ჩახედულ წყაროზე დაყრდნობით საუბრობს.

სააგენტოს ცნობით, სარაკეტო სისტემა იაპონიის კუნძულ იონაგუნიზე განლაგდება Sharp Sword წვრთნების დროს, რომელიც 19-დან 29 ოქტომბრამდე გაიმართება. აღნიშნულია, რომ იაპონიის სამხედროებმა შესაძლოა იქ საკუთარი ხომალდსაწინააღმდეგო და ჰაერსაწინააღმდეგო სარაკეტო სისტემები, ასევე ელექტრონული საბრძოლო სისტემები განალაგონ.

სააგენტოს განმარტებით, NMESIS-ს დაახლოებით 185 კილომეტრის მოქმედების რადიუსი აქვს, რაც მას ტაივანის მახლობლად გემებზე თავდასხმის საშუალებას აძლევს. გასულ წელს აშშ-ის სამხედროებმა კუნძულზე მომარაგების განლაგების წვრთნები ჩაატარეს, რაც რეგიონული კრიზისის შემთხვევაში წინა ბაზის შექმნის სიმულირებას ახდენს.

Sharp Sword წვრთნები ორ წელიწადში ერთხელ ტარდება და აშშ-სა და იაპონიას შორის ერთ-ერთი ყველაზე მასშტაბური ერთობლივი წვრთნაა. მანამდე, ჩინეთის საგარეო საქმეთა სამინისტროს წარმომადგენელმა განაცხადა, რომ იაპონიის გეგმები, იონაგუნიზე 2030 წლიდან საზენიტო რაკეტების მუდმივად განლაგების შესახებ, რეგიონულ დაძაბულობას გაზრდიდა და სამხედრო დაპირისპირებას პროვოცირებდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება