აშშ-ს სახელმწიფო მდივანმა, მარკო რუბიომ ახალი სავიზო შეზღუდვები გამოაცხადა იმ უცხო ქვეყნის მოქალაქეების წინააღმდეგ, რომლებიც [აშშ-ს კონსტიტუციით] "დაცული გამოხატვის თავისუფლების ცენზურაზე პასუხისმგებლები არიან".

"მიუხედავად იმისა, რომ ჩვენ ვდგამთ ნაბიჯებს ცენზურის წინააღმდეგ საკუთარ ქვეყანაში, შემაშფოთებელია ის შემთხვევები, როდესაც უცხო ქვეყნის მთავრობები და მათი ოფიციალური პირები ამას გვერდს უვლიან. ზოგ შემთხვევაში, უცხოელი ოფიციალური პირები აშკარა ცენზურას იყენებენ ამერიკული ტექნოლოგიური კომპანიების, აშშ-ს მოქალაქეებისა და რეზიდენტების წინააღმდეგ, მიუხედავად იმისა, რომ მათ ამის უფლება არ აქვთ". - წერია რუბიოს განცხადებაში.

ამასთან, აშშ-ს სახელმწიფო დეპარტამენტი "მიუღებელს" უწოდებს აშშ-ს მოქალაქეებზე ან რეზიდენტებზე დაპატიმრების ორდერების გაცემას, იმ შემთხვევებში, როდესაც საქმე ეხება მათ მიერ აშშ-ს ტერიტორიაზე ყოფნის დროს ამერიკულ სოციალურ მედიაში გამოქვეყნებულ პოსტებს.

"ზუსტად ასევე მიუღებელია, როდესაც უცხოელი ოფიციალური პირები ამერიკული ტექნოლოგიური პლატფორმებისგან მოითხოვენ დანერგონ მოდერაციის წესები ან ჩაერთონ ცენზურის დაწესებაში, რაც სცდება მათ უფლებამოსილებას". - წერს რუბიო.

გამოცემა Reuters აღნიშნავს, რომ რუბიოს განცხადებაში არ არის დაკონკრეტებული კონკრეტულად რომელი ქვეყნები ან ოფიციალური პირები გახდებიან სავიზო შეზღუდვის სამიზნე, თუმცა, აღნიშნულია, რომ ზოგიერთმა უცხოელმა ოფიციალურმა პირმა "აშკარა ცენზურის ზომები მიიღო აშშ-ს ტექნოლოგიური კომპანიების, აშშ-ს მოქალაქეებისა და რეზიდენტების წინააღმდეგ, როდესაც მათ ამის უფლებამოსილება არ აქვთ".

ავტორი: ექსპრესნიუსი,

სოციალური ქსელები

პაპისგან ფილტვის კვანძის ამოღების ოპერაცია წარმატებით დასრულდა

Reuters: აფეთქებები მოხდა Saudi Aramco-ს შტაბ-ბინის ტერიტორიაზე

Axios: ისრაელი და აშშ, უთანხმოების მიუხედავად, ირანთან ომის შესაძლო განახლებისთვის ემზადებიან

Politico - აშშ-მ უამინდობის გამო სისტემური გაუმართაობის გამო უკრაინა სარაკეტო დარტყმის შესახებ არ გააფრთხილა