პარლამენტმა სპეციალური საგამოძიებო სამსახურის გაუქმების ინიციატივას პირველი მოსმენით მხარი დაუჭირა. საკანონმდებლო პაკეტი დღეს, პრინციპების დონეზე განიხილეს და 88-ხმით, ერთხმად მიიღეს.

მმართველი გუნდის გადაწყვეტილებით, “სპეციალური საგამოძიებო სამსახურის შესახებ“ კანონი ძალადაკარგულად ცხადდება. შესაბამისად, უქმდება სპეციალური საგამოძიებო სამსახური, სპეციალური საგამოძიებო სამსახურის უფროსის, მისი პირველი მოადგილისა და მოადგილის თანამდებობები.

ის სისხლის სამართლის საქმეები, რომლებზეც სპეციალური საგამოძიებო სამსახურის ქვემდებარეობა ვრცელდება, პროკურატურის საგამოძიებო ქვემდებარეობაში გადავა.

სპეციალური საგამოძიებო სამსახურის ლიკვიდაციის ინიციატორები “ქართული ოცნების“ დეპუტატები არიან. მათი შეფასებით, ცვლილებების შემდეგ, აღმოიფხვრება ბუნდოვანება, რომელიც სპეციალური საგამოძიებო სამსახურის სტატუსთან დაკავშირებით არსებობს და ამავდროულად, უზრუნველყოფილი იქნება დამოუკიდებლად გამოძიების შესაძლებლობა.

ავტორი: ექსპრესნიუსი,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა