თავისუფლებისმოყვარე ქართველ ხალხს დამოუკიდებლობის დღეს ვულოცავ, - ამის შესახებ ლიეტუვის საგარეო საქმეთა ყოფილი მინისტრი, გაბრიელიუს ლანდსბერგისი X-ის საკუთარ გვერდზე წერს და ვიდეომიმართვას ავრცელებს.

„ძვირფასო თავისუფლებისმოყვარე ქართველო ხალხო, დამოუკიდებლობის დღეს გილოცავთ! ვიცით, რომ არასდროს დანებდებით და გვინდა იცოდეთ, რომ ჩვენ მარტო არასდროს დაგტოვებთ. სიყვარულითა და სოლიდარობით, ლიეტუვიდან“, - წერს გაბრიელიუს ლანდსბერგისი.

გაბრიელიუს ლანდსბერგისის განცხადებით, რუსეთის მეზობლებს დამოუკიდებლობა სურთ და არა ანექსია.

„ამ გზავნილს ლიეტუველი ძმებისა და დებისგან გადმოგცემთ. თქვენს დამოუკიდებლობას ჩვენც აღვნიშნავთ და ყველაფერს გავაკეთებთ, რომ მის დაცვაში დაგეხმაროთ. ლიეტუვა, საქართველო და ბევრი სხვა რესპუბლიკა 100-ზე მეტი წლის წინ ერთად დაიბადა. სწორედ ამას აღვნიშნავთ ასეთ დღეებში, დამოუკიდებლობის მოპოვებას იმპერიისგან, რომელიც გვჩაგრავდა. თუმცა, დასავლეთში ბევრმა არ იცის, რომ ჩვენს მსგავს სახელმწიფოებს დამოუკიდებლობის ორი დღე აქვთ. რუსეთმა ჩვენი ახალგაზრდა დემოკრატიები დაიპყრო და მარიონეტები დასვა, რათა კვლავ დავეჩაგრეთ, ამიტომ დამოუკიდებლობისთვის ბრძოლა მეორედ მოგვიხდა. ჩვენ ისევ გავიმარჯვეთ. ჩვენს სამეზობლოში ყველამ ვიცით, რომ საბჭოთა კავშირი არ ყოფილა „კავშირი“. რუსეთი ისევ იმპერია იყო და ჩვენ მისი მტრები ვიყავით და არა მოკავშირეები. ჩვენ არ გავწევრიანებულვართ, არამედ ჩვენი ოკუპაცია მოახდინეს. დასავლეთში პოსტსაბჭოთა რესპუბლიკებად მოგვიხსენიებენ, მაგრამ ეს სიცრუეა. მოსკოვში ჩვენი დამოუკიდებლობის ნამდვილი ისტორია იციან და მათ ეს აშინებთ, რადგან ეს ჩვენი გამარჯვების და მათი მარცხის ისტორიაა. ისინი ცდილობენ ჩვენი სიმამაცისა და გამარჯვების ისტორია და მათი სისასტიკის მტკიცებულებები წაშალონ, მაგრამ რაც არ უნდა გააკეთონ, ჩვენ არ დავნებდებით. ქართველებმა და ლიეტუველებმა არ უნდა დავივიწყოთ, რომ ჩვენი უკრაინელი მეგობრები საერთო მტრის წინააღმდეგ იბრძვიან. მადლობა მათ, რომ ევროპისა და ყველა ჩვენგანის თავისუფლებას იცავენ. კრემლი ყოველთვის მოიტყუება, მაგრამ უკრაინელები სიმართლეს ამხელენ. თქვენც, თავისუფლებისმოყვარე ქართველო ხალხო, მსოფლიოს სიმართლეს აჩვენებთ. თქვენ, პირადი რისკის ფასად, ჩაგვრის წინაშე წინააღმდეგობას აჩვენებთ. თქვენ უარს აცხადებთ კორუფციასა და რუსეთის გავლენაზე. თქვენ სისასტიკეს დაუმორჩილებლობით უპირისპირდებით. ჩვენ არ მიგატოვებთ, რადგან არავის სურს მესამე დამოუკიდებლობის დღე. თუ ჩვენ ერთად ვიქნებით, ყოველთვის გავიმარჯვებთ“, - აცხადებს ლანდსბერგისი.

ავტორი: ექსპრესნიუსი,

სოციალური ქსელები

განხეთქილება აზერბაიჯანსა და თურქეთს შორის- პარლამენტმა თურქეთის პოლიტიკურ ელიტას მოუწოდა შეწყვიტოს ბაქოზე თავდასხმები

ზელენსკიმ განაცხადა, რომ უკრაინამ კვლავ ვერ მიიღო მოკავშირეებისგან გაფრთხილება კიევზე სარაკეტო დარტყმის შესახებ - სამი ადამიანი დაიღუპა.

პაპისგან ფილტვის კვანძის ამოღების ოპერაცია წარმატებით დასრულდა

Reuters: აფეთქებები მოხდა Saudi Aramco-ს შტაბ-ბინის ტერიტორიაზე