„ერთიანობა ნაციონალური მოძრაობის“ თავმჯდომარის, თინა ბოკუჩავას განცხადებით, „კოალიცია ცვლილებისთვის“ ერთ-ერთი ლიდერის, ზურაბ ჯაფარიძის დაკავება უსამართლო და პოლიტიკურად მოტივირებულია.

როგორც ბოკუჩავამ განაცხადა, ასეთი უსამართლობის პირისპირ ერთადერთი სწორი მოქმედება დღეს არის ოპოზიციის გაერთიანება.

„გუშინ ემოციურად ძალიან მძიმე დღე იყო ყველა ნორმალური ადამიანისთვის, როდესაც 3 შვილის მამა, მათ შორის მცირეწლოვანი ბავშვის და მძიმედ ავადმყოფი მოხუცი დედის შვილი, სრულიად უდანაშაულო ადამიანი, ჯალათი წულუკიანის განკარგულებით ციხეში გაუშვეს, მაგრამ წარმოუდგენლად ღირსეულად შეხვდა ზურა ჯაფარიძე მეუღლესთან ერთად ამ უკიდურესად უღირს და უსამართლო ნაბიჯს ივანიშვილის რუსული რეჟიმის მხრიდან. დარწმუნებული ვარ, ასევე ღირსეულად იჯდება სრულიად უდანაშაულო ზურა ჯაფარიძე ივანიშვილის საპყრობილეში თავისუფლებაშეზღუდული ქვეყნის თავისუფლებისთვის. ზურას სიმამაცე, პრინციპულობა, უკომპრომისობა და თავგანწირვა ნამდვილად უნდა გახდეს მაგალითი და დარწმუნებული ვარ, გახდება კიდეც თითოეული ჩვენგანისთვის. გარდა მორალური მაგალითისა, ვფიქრობ, მნიშვნელოვანია, ამ უკიდურესმა უსამართლობამ ასევე მისცეს ბიძგი კონკრეტულ მოქმედებას. ჩემი აზრით, ერთადერთი სწორი მოქმედება დღეს ასეთი უსამართლობის პირისპირ, არის ოპოზიციის გაერთიანება, ის იდეა, რომელსაც ქომაგობდა ზურა ჯაფარიძე 26 ოქტომბრამდე.

ერთადერთი სწორი, გონივრული და შედეგის მომცემი მოქმედება, რაც კი ახლა შეიძლება გვქონდეს ოპოზიციურ ფლანგზე, არის ის იდეა, რისთვისაც ზურა ჯაფარიძე იბრძვის. ის გააგრძელებს ამ ბრძოლას გისოსებს მიღმაც. ყოველთვის იქნება გაცილებით უფრო თავისუფალი ივანიშვილის საპყრობილეშიც კი, ვიდრე ივანიშვილის სხვა პაიკი. ერთადერთი სწორი მოქმედება არის ოპოზიციის ერთიანობა და ამ ერთიანობით ამ ბრძოლის მოგება. როგორც ზურა ჯაფარიძემ ბოლო სიტყვაში თქვა, სანამ რეჟიმის ჯალათები დაამწყვდევდნენ, ბოლოს მაინც ჩვენ მოვიგებთ. ივანიშვილმა ძალიან კარგად უნდა შეიგნოს, რომ ბოლოს მაინც ჩვენ მოვიგებთ იმიტომ, რომ ჩვენ ვართ მართლები. ჯალათი წულუკიანი, რუსი ივანიშვილი ვერასდროს წაგვართმევს ყველაზე ძვირფასს - ეს არის ჩვენი და ჩვენი ქვეყნის თავისუფლება“, - განაცხადა ბოკუჩავამ.

ცნობისთვის, „კოალიცია ცვლილებისთვის" წევრს, ზურაბ გირჩი ჯაფარიძეს აღკვეთის ღონისძიების სახით შეფარდებული 20 000-ლარიანი გირაო პატიმრობით შეეცვალა. გადაწყვეტილება თბილისის საქალაქო სასამართლოს მოსამართლემ ირაკლი შვანგირაძემ მიიღო და ამით პროკურატურის შუამდგომლობა დააკმაყოფილა. ზურაბ ჯაფარიძეს ხელბორკილი სასამართლო დარბაზშივე დაადეს.

ავტორი: ექსპრესნიუსი,

სოციალური ქსელები

სკოლის მოსწავლეები ერთმანეთს ფიზიკურად დაუპირისპირდნენ - გამოძიება ძალადობის მუხლით დაიწყო

ტრამპი - ირანიდან დაბრუნებული ამერიკული ფლოტი კუბაზე თითქმის მაშინვე კონტროლს აიღებს

ფორმულა 1-ის ყოფილი მრბოლელი და სამგზის პარაოლიმპიური ჩემპიონი ალესანდრო ზანარდი გარდაიცვალა

მარჯანიშვილის თეატრიდან მსახიობი ირაკლი ჩოლოყაშვილი და ეკა ნიჟარაძე გაუშვეს