2025-05-22 20:10:40, 892 ნახვა

---

მამუკა ხაზარაძე - ჩემი მხარდაჭერა ზურას რუსული რეჟიმის წინააღმდეგ ბრძოლაში, თავისუფლება პოლიტპატიმრებს!

სამართლიანობისა და მეგობრობის მაგალითია ზურა ჩემთვის! ჩემი მხარდაჭერა ზურას რუსული რეჟიმის წინააღმდეგ ბრძოლაში, რომელიც აუცილებლად გამარჯვებით დასრულდება - ამის შესახებ სოციალურ ქსელში ,,ლელოს" ლიდერი მამუკა ხაზარაძე წერს, რითაც სასამართლო სხდომათა დარბაზში ზურა ჯაფარიძის დაკავებას ეხმაურება.

,,თავისუფლება ჯაფარას! თავისუფლება პოლიტპატიმრებს! ბრძოლა ბოლომდე!''- წერს ხაზარაძე

„კოალიცია ცვლილებისთვის" წევრს, ზურაბ გირჩი ჯაფარიძეს აღკვეთის ღონისძიების სახით შეფარდებული 20 000-ლარიანი გირაო პატიმრობით შეეცვალა.

აღნიშნული გადაწყვეტილება თბილისის საქალაქო სასამართლოს მოსამართლემ ირაკლი შვანგირაძემ მიიღო და ამით პროკურატურის შუამდგომლობა დააკმაყოფილა.

ზურაბ გირჩი ჯაფარიძეს ხელბორკილები სასამართლოს სხდომათა დარბაზში დაადეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი