ფინანსთა მინისტრმა ნოდარ ხადურმა საფრანგეთის ელჩთან საქართველოში პასკალ მენიესთან გაცნობითი ხასიათის შეხვედრა გამართა.

ფინანსთა სამინისტროს ინფორმაციით, ნოდარ ხადურმა ბატონ პასკალ მენიეს მიულოცა საქართველოში ელჩად დანიშვნა და იმედი გამოთქვა, რომ მომავალი თანამშრომლობა წარმატებულად წარიმართება.

შეხვედრისას მხარეებმა ხაზი გაუსვეს საქართველოსა და საფრანგეთის თანამშრომლობას სხვადასხვა მიმართულებით. საფრანგეთის ელჩის განცხადებით, იგი მხარს უჭერს საქართველოს ევროპულ და ევროატლანტიკურ სტრუქტურებში გაწევრიანების მისწრაფებას და საფრანგეთი კვლავ აქტიურად განაგრძობს საქართველოს ფინანსურ და ექსპერტულ დახმარებას ასოცირების ხელშეკრულების ფარგლებში ნაკისრი ვალდებულებების განხორციელების მიმართულებით.

საფრანგეთის მთავრობისა და კერძო სტრუქტურების დახმარებით საქართველოში მიმდინარეობს მრავალი პროექტი, მათ შორის, ხდება როგორც საკურორტო (თეთნულდი), ისე სამოქალაქო (ჭიათურა) საბაგირო ინფრასტრუქტურის მოწყობა და განახლება.

ნოდარ ხადურმა აღნიშნა, რომ ქართულ მხარესა და საფრანგეთს შორის ხელი მოეწერა ხელშეკრულებას, რომელიც საქართველოს საჰაერო თავდაცვისუნარიანობის გაუმჯობესებას ითვალისწინებს.

მხარეებმა, ასევე, ისაუბრეს თანამშრომლობის სამომავლო პერსპექტივაზე, მათ შორის ინფრასტრუქტურის, სოფლის მეურნეობისა და ენერგეტიკის მიმართულებით.

ბატონი პასკალ მენიეს თქმით, უახლოეს მომავალში თბილისში გაიხსნება "საფრანგეთის განვითარების სააგენტოს" ოფისი, რომელიც ხელს შეუწყობს საქართველოსა და საფრანგეთს შორის სავაჭრო-ეკონომიკური ურთიერთობების გაღრმავებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორიოლის სამხედრო ქარხანაზე სარაკეტო თავდასხმის შედეგად რვა ადამიანი დაშავდა, ერთი გარდაიცვალა

ტრამპი დაემუქრა რუსეთსა და უკრაინას 200%-იანი ტარიფების დაწესებით, თუ ომი გაგრძელდება

ორ პირს რომლებმაც მოქალაქეს ინტიმური ვიდეო გაუვრცელეს და თვითმკვლელობამდე მიიყვანეს ,ხოლოდ 5 წელი შეეფარდათ

უკრაინამ სამარის რეგიონში მდებარე „ტატნეფტის“ მსხვილ ქიმიურ ქარხანაზე იერიში მიიტანა