პროკურატურაში ვასილ ჯამალაშვილის დაკითხვა მიმდინარეობს. კუდ-ის ოპერატიულ-ტექნიკური დეპარტამენტის ყოფილი თანამშრომელი და უკანონო ფარული ჩანაწერების საქმეზე დაკავებული ზურაბ ჯამალაშვილის შვილი უწყებაში სულ ცოტა ხნის წინ მივიდა.

მასთან ერთად საგამოძიებო უწყებაში იმყოფება ადვოკატიც. სავარაუდოდ, საქმე ეხება პირადი ცხოვრების ამსახველი კადრების გავრცელება-შენახვის საქმეს. თუმცა, რა შეკითხვები აქვთ ვასილ ჯამალაშვილთან, კონკრეტულად, გამომძიებლებს, ეს ჯერჯერობით უცნობია. 

ცნობისთვის, ვასილ ჯამალაშვილმა გუშინ „ექსპრესნიუსთან“ საუბრისას განაცხადა, რომ მას პირადი ცხოვრების ამსახველ ფარულ კადრებთან დაკავშირებით არანაირი შეხება არ აქვს. მეტიც, როგორც ის ამტკიცებს, მამასთან არანაირი ურთიერთობა არ აქვს, ვინაიდან მასთან რთული ურთიერთობა აქვს. მისივე თქმით, მამამისს სხვა ოჯახი ჰყავს და მამა-შვილს ურთიერთობა გაწყვეტილი აქვთ.

აღსანიშნავია, რომ საქმის პროკურორმა ლაშა კოტრიძემ დღევანდელი სასამართლო სხდომის დასრულების შემდეგ განუცხადა, რომ ვასილ ჯამალაშვილს ამ საქმესთან არანაირი შემხებლობა არ აქვს. პროკურორის თქმით, ჯერჯერობით ეს არ იკვეთება.

ცნობისთვის, ვასილ ჯამალაშვილის მამას ზურაბ ჯამალაშვილს სასამართლომ დღეს აღმკვეთი ღონისძიების სახით წინასწარი პატიმრობა უკვე შეუფარდა.

შეგახსენებთ, ჯამალაშვილი 15 მარტს 157-ე მუხლით დააკავეს, რაც პირადი საიდუმლოს უკანონოდ მოპოვებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ