პროკურორ ლაშა კოტრიძის განმარტებით, პროკურატურის საგამოძიებო ნაწილში მიმდინარეობს გამოძიება პირადი ცხოვრების ამსახველი ინფორმაციის უკანონო მოპოვება-შეძენისა და გავრცელების ფაქტზე.

აღნიშნული საქმის გამოძიების ფარგლებში სისხლის სამართლებრივი დევნა დაწყებულია 5 პირის მიმართ. დღეს სასამართლომ ორი პირის - ზურაბ ჯამალაშვილისა და ირაკლი ფხალაძის მიმართ აღმკვეთი ღონისძიების საკითხი განიხილა. სასამართლომ დაკავებულებს წინასწარი პატიმრობა შეუფარდა.

პროკურორის განმარტებით,პატიმრობის შუამდგომლობაში მათ მიუთითეს მტკიცებულებები კადრების განადგურების ფაქტზე, ახალი დანაშაულის ჩადენისა და ბრალდებულების მიმალვის საფრთხეზე.

პროკურორის განცხადებით, სასამართლომ გაიზიარა ბრალდების მხარის პოზიცია მტკიცებულების განადგურებისა და დანაშაულებრივი საქმიანობის გაგრძელების კუთხით, თუმცა არ გაიზიარა მიმალვის საფრთხე. მიუხედავად ამისა, ბრალდების მხარის შუამდგომლობა მაინც სრულად დაკმაყოფილდა.

პროკურორმა ისიც განმარტა, რომ ყველა ბრალდებულს ერთი და იგივე ნაწილის კვალიფიკაცია არ აქვს წაყენებული.

„რიგ შემთხვევაში ბრალდება წაყენებულია იმ მუხლით, რაც გულისხმობს ვიდეოების მოპოვებასა და გავრცელებას, რიგ ეპიზოპდებში წაყენებულია როგორც მოპოვების, ასევე გავრცელების კუთხით, ზოგს ანგარების მოტივიც აქვს წაყენებული“, - განაცხადა ლაშა კოტრიძემ.

პროკურორმა ისიც დასძინა, რომ ამ ეტაპზე ინტერნეტში ვიდეოების გავრცელებასთან დაკავშირებით არც ერთ ბრალდებულს კავშირი არ აქვს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ