ტელეკომპანია "მაესტროს" გარშემო ვითარება კვლავაც უკიდურესად დაძაბულია. სასამართლო განხილვების პარალელურად, არხი კვლავ ეთერშია, თუმცა ლოგოს გარეშე.

"მაესტროს" ყოფილი გენერალური დირექტორის, ბაია გადაბაძის თქმით, ლოგოს მოხსნა საქალაქო სასმართლოს გადაწყვეტილების შედეგია, რომლის მიხედვით, ლოგოს და სახელწოდების გამოყენება შპს ტელეკომპანია "მაესტროს" აეკრძალა.

როგორც ბაია გადაბაძემ განმარტა, კანონის თანახმად, ამ შემთხვევაში ლოგოს გამოყენება იმ კომპანიასაც უნდა აეკრძალოს, რომელსაც მფლობელმა ლოგო დროებით სარგებლობაში გადასცა.

„ლოგო სასამართლოს გადაწყვეტილებით არის მოხსნილი, იმიტომ, რომ თუკი ლოგოს გამოყენების უფლება მის მფლობელს არ აქვს, ლევან გაჩეჩილაძეს და ნებისმიერ სხვას არ აქვს მისი გამოყენების უფლება. იქ დაკონკრეტებულია, რომ მის მფლობელს აქვს უფლება მეორე და მესამე პირს მისი გამოყენება აუკრძალოს“,- განაცხადა ბაია გადაბაძემ

აღსანიშნავია, რომ "მაესტროს" გენერალური დირექტორი ლევან გაჩეჩილაძე ლოგოს ეკრანიდან მოხსნას აპროტესტებს. როგორც მისმა ადვოკატმა აღნიშნა ლოგოს მოხსნა კანონის დარღვევაა.

"ლოგოს გამოყენება ბაჩო კიკაბიძის მიერ დაფუძნებულ ტელეკომპანიას აეკრძალა. ეს მოხდა "სტუდია მაესტროს" მიმართვის საფუძველზე. ნონსენსია სასამართლომ ლოგოს გამოყენება იმას აუკრძალოს, ვინც მას მიმართავს. "მაესტრო" მაუწყებლობას თავის ლოგოთი უნდა აგრძელებდეს. კოტე გოგელია, ბაჩო კიკაბიძე და სავარაუდოდ მამუკა ღლონტიც ცდილობენ, რომ "მაესტროს" გადაუკეტონ შემოსავლის წყარო", - განაცხადა გაჩეჩილაძის ადვოკატმა, ირაკლი კორძახიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ინტერნეტ მემი პროტესტად გადაიქცა: „ტარაკნების პარტიამ“ ნიუ დელიში უვადო საპროტესტო აქცია დაიწყო

კობახიძემ უკრაინელ ბავშვებს უმასპინძლა რომლებმაც მამები ომში დაკარგეს

Axios: ტრამპი აღიარებს, რომ „ანკორიჯის სულისკვეთებას“ ტოვებს

ტრამპი ირანზე - შეიძლება დადგეს დრო, როდესაც სამხედრო საშუალებებით მოგვიწევს დავასრულოთ ის, რაც დავიწყეთ