პოლონეთში, ვარშავის უნივერსიტეტში ქალი ნაჯახის გამოყენებით მოკლეს. ინფორმაციას ადგილობრივი პოლიცია ავრცელებს.

უნივერსიტეტის განცხადებით, მოკლული ქალი მათი თანამშრომელი იყო და თავდასხმა უნივერსიტეტის მთავარი კამპუსის შენობაში მოხდა და სერიოზულად დაშავებულია მათი დაცვის წევრიც, რომელიც ქალის დასახმარებლად მივიდა.

პოლიციის ცნობით, მკვლელობის ბრალდებით დაკავებულია 22-წლის პოლონელი კაცი, მკვლელობის მოტივი კი ამ დრომდე უცნობია. პროკურატურის თქმით, თავდამსხმელი სამართლის ფაკულტეტის მესამე კურსის სტუდენტია.

უნივერსიტეტმა მომხდარი ტრაგედიის ფონზე გლოვის დღე გამოაცხადა და დღეს ლექციები არ ჩატარდება.

პოლონური მედიის ცნობით, ქალი, რომელიც ადგილზევე გარდაიცვალა 53 წლის იყო, დაშავებული დაცვის თანამშრომელი კი 39 წლისაა.

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"