2025-05-03 13:10:26, 837 ნახვა
მსოფლიო
რუსეთის ქალაქ ნოვოროსიისკში დრონებით თავდასხმის შემდეგ საგანგებო მდგომარეობა გამოცხადდა
რუსეთის ქალაქ ნოვოროსიისკში დრონებით თავდასხმის შემდეგ საგანგებო მდგომარეობა გამოცხადდა, - ამის შესახებ ინფორმაციას რუსული მედია ავრცელებს.
„ნოვოროსიისკში საგანგებო მდგომარეობა გამოცხადდა. კიევის რეჟიმის მიერ ღამით განხორციელებული თავდასხმის შედეგად, საცხოვრებელი კორპუსები დაზიანდა“, - დაწერა ქალაქის მერმა, ანდრეი კრავჩენკომ ტელეგრამის არხზე.
ნოვოროსიისკის მერის ცნობით, თავდასხმის შედეგად 5 ადამიანი დაშავდა.
ამასთან, კრასნოდარის მხარის გუბერნატორის, ვენიამინ კონდრატიევის ინფორმაციით, ნოვოროსიისკის პორტში დრონის ნამსხვრევების ჩამოვარდნის შედეგად ხანძარი გაჩნდა, თუმცა, წინასწარი ინფორმაციით, არავინ დაშავებულა.
ავტორი: ექსპრესნიუსი,
epn.ge (@expressnews.ge)
