ალასანია: მაშინდელ შს მინისტრსა და პრემიერს არ ქონდათ მონდომება, საქმე ბოლომდე მიეყვანათ

2016-03-15 22:53:23, 706 ნახვა

სამართალი

"მაშინდელ შს მინისტრსა და პრემიერს არ ქონდათ მონდომება, საქმე ბოლომდე მიეყვანათ" - ამის შესახებ თავისუფალი დემოკრატების ლიდერმა, ირაკლი ალასანიამ გადაცემა "არჩევანში" განაცხადა.

ალასანია პირადი ცხოვრების ამსახველი ფარული ჩანაწერების არგანადგურებაში ბიძინა ივანიშვილსა და ირაკლი ღარიბაშვილს ადანაშაულებს.

"არ მგონია, საქმე გვქონოდა არაპროფესიონალიზმთან. ის სტრუქტურები, რომელიც უნდა ყოფილიყვნენ დაინტერესებული და პასუხისმგებელი ამ ვიდეოების განადგურებაზე, ბოლომდე ვერ მიიყვანეს ეს საქმე, უბრალოდ არ იყო მონდომება შესაბამისი. ვსაუბრობ იმდროინდელ შს მინისტრსა და პრემიერ-მინისტრზე," - განაცხადა ირაკლი ალასანიამ.

თავისუფალი დემოკრატების ლიდერი იქვე აცხადებს, რომ მას არა აქვს კონკრეტული დასაბუთება, თუმცა დღემდე აქვს კითხვები და ეჭვები არსებული თემაზე.