რუსული მედიის ცნობით, უკრაინაში რუსეთის მხარეს იბრძოდა და დაიღუპა პირი, რომლის დედაც აშშ-ს ცენტრალური სადაზვერვო სააგენტოს დირექტორის მოადგილეა ციფრულ ინოვაციებში.

მედიის ინფორმაციით, 21 წლის მაიკლ გლოსს რუსეთის თავდაცვის სამინისტროსთან კონტრაქტი ჰქონდა გაფორმებული და რუსეთის არმიაში ირიცხებოდა.

გამოცემა Важные истории-ს ცნობით, მაიკლ გლოსი აშშ-ში ჰუმანიტარულ კოლეჯში ადამიანებისა და გარემოს ურთიერთქმედების მიმართულებით სწავლობდა. 2023 წელს კი მან ჯერ კოლეჯი, შემდეგ კი აშშ დატოვა და რამდენიმეთვიანი მოგზაურობის შემდეგ, ამავე წელს, რუსეთის არმიას შეუერთდა.

მათივე ცნობით, გლოსი აშშ-ს დატოვების შემდეგ ჯერ იტალიაში ცხოვრობდა, შემდეგ კი ისრაელში, საიდანაც დეპორტით გააძევეს. ამის შემდეგ მან, რამდენიმე თვე თურქეთში გაატარა. 2023 წლის 13 აგვისტოს კი რუსეთში საქართველო-რუსეთის საზღვრის გავლით ჩავიდა და მალევე ჩაეწერა რუსეთის არმიაში.

ოჯახის ცნობით, მაიკლ გლოსი 4 აპრილს გარდაიცვალა, თუმცა, მისი დაღუპვის გარემოებები უცნობია.

მაიკლ გლოსის დედა, ჯულიანა გალინა CIA-ს ციფრულ ინოვაციებში დირექტორის მოადგილის პოსტზე ჯო ბაიდენის ადმინისტრაციის დროს დაწინაურდა. გლოსის მამა, ლარი გლოსი კი აშშ-ს საზღვაო ძალების ვეტერანი და პროგრამული უზრუნველყოფის კომპანია Security Information Systems-ის დირექტორია.

ავტორი: ექსპრესნიუსი,

სოციალური ქსელები

კობახიძე ირწმუნება რომ ხალხს საავადმყოფოებში მასობრივად არ მიუმართავთ ამიტომ ისინი არ მოწამლულან

ოცნების პრემიერი BBC-ს საგამოძიებო ფილმის შექმნას კვლავ უცხო ქვეყნების სპეცსამსახურებს აბრალებს, მაგრამ რომეს არ აკონკრეტებს

ქლორობენზილიდინ მალონონიტრილი დიდი დოზებით კი იწვევს კანის დამწვრობას, რაც ზოგჯერ იწვევს სასუნთქი გზების დამბლას, გულის გაჩერებას და სიკვდილს

ლაშა შერგელაშვილი - როდესაც BBC-ის გამოძიებაში მონაწილეობა შემომთავაზეს გამაფრთხილეს რომ ამ ამბის გაშუქების შემდეგ აუცილებლად შეეცდებოდნენ ჩემს დისკრედიტაციას