„სამი თვე დასჭირდათ იმისათვის, რომ გადაეფხიკათ და მჟავაში ეყვინთავებინათ ჩემი ბეჩავი ტელეფონი“, - ამის შესახებ თბილისის საკრებულოს დამოუკიდებელმა დეპუტატმა ალეკო ელისაშვილმა შსს-ს და ექსპირტიზის ეროვნული ბიუროს დასკვნასთან დაკავშირებით ჟურნალისტებს განუცხადა, რომლის თანახმადაც, ელისაშვილის კუთვნილი მობილური ტელეფონიდან ეკა ბესელიასა და მანანა კობახიძის მიერ გაგზავნილი მესიჯების და სხვა კომუნიკაციის აღდგენა ვერ მოხერხდა.

ალეკო ელისაშვილი საერთაშორისო ექსპერტიზას მიმართავს.

„მივმართავ საერთაშორისო ექსპერტიზას და დავადასტურებინებ, რომ წაშლილია ყველაფერი. სამი თვე დასჭირდათ იმისათვის, რომ გადაეფხიკათ და მჟავაში ეყვინთავებინათ ეს ჩემი ბეჩავი ტელეფონი, რომელიც ახლა ხელში მიჭირავს და დავუწერე კიდეც, რომ სამარცხვინოები არიან. ცდილობენ, ხელი  დააფარონ ბესელია-კობახიძეს.

„მაგთი“ ადასტურებს, რომ მესიჯები მოსულია. შსს-ს და სამხარაულის ბიუროს ორ დასკვნაში კი ვკითხულობთ, რომ ჩვენ რა პროგრამულ-ტექნიკური საშუალებებიც გვაქვს, ტელეფონში ვერც ზარებს, ვერც სმს-ებს ვერ აღვადგენთო. ეს პასუხი იანვარშია დაწერილი. ამ ან ტელეფონს რას აწვცალებდბნენ ან თავიანთ თავს რაღას იწვალებდნენ. ცდილობენ როგორმე გამოძვრენ. უბრალოდ „მაგთის“ ამონაწერი აქვთ გაჩხერილი და რა უყონ არ იციან“, - განაცხადა ალეკო ელისაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ