საქართველოს მთავარ პროკურატურაში თბილისის საკრებულოს დამოუკიდებელი დეპუტატის ალეკო ელისაშვილის დაკითხვა დასრულდა.

როგორც დაკითხვის შემდეგ ელისაშვილის ადვოკატმა თამარ ავალიანმა ჟურნალისტებს განუცხადა, ელისაშვილი მოწმის სახით ორ საქმესთან დაკავშირებით გამოიკითხა. ერთი იყო შეწყალების საქმე, რომელიც დაწყებულია დეპუტატების - ეკა ბესელია და მანანა კობახაძის წიანღმდეგ ზეგავლენით ვაჭრობის ფაქტზე, ხოლო მეორე ბესელიას სახელზე პატიმრის წერილთან დაკავშირებით.

თამარ ავალიანის ინფორმაციით, ელისაშვილს გამომძიებლებმა ლევან სამხარაულის ექსპერტიზის ეროვნული ბიუროს და შინაგან საქმეთა სამინისტროს დასკვნები გააცნეს, რომლის თანახმადაც ალეკო ელისაშვილის მეხსიერებიდან მანანა კობახიძისა და ეკა ბესელიას მიერ გაგზავნილი მესიჯების აღდგენა ვერ მოხერხდა.

ადვოკატოის შეფასებით, ტელეფონის მეხსიერებიდან კომუნიკაციის აღდგენა შეგნებულად არ მოხდა.

„ალეკო ელისაშვილის ტელეფონს ექსპერტიზა გარკვეული პერიოდის განმავლობაში უტარდებოდა. გამაოგნებელია ექსპერტიზის დასკვნა. როგორ შეიძლება ვერ მომხდარიყო ტელეფონბის მეხსიერების აღდგენა, ეს ხომ ელემენტარულია. „მაგთიკომის“ ამონაწერი პროკურატურაში წარდგენილია, რომლითაც დგინდება, რომ ბესელია-კობახიძის მხრიდან ალეკო ელისაშვილის კუთვნილ ნომერზე კომუნიკაცია იყო. ამას პროკურატურაც აღიარებს“, - განაცხადა ადვოკატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ