თბილისის საქალაქო სასამართლოში “ძლიერი საქართველოს” წევრები ეკა გიორგობიანი და თორნიკე ართქმელაძე იკითხებიან.

ორივე მათგანი მაგისტრ მოსამართლესთან უპასუხებენ შეკითხვებს, თუ რატომ არ ჩაიბარეს „ძლიერი საქართველოს” ლიდერის, ბადრი ჯაფარიძის სახელზე მისული წერილი, რომელიც პარლამენტის დროებითი საგამოძიებო კომისიაზე ჯაფარიძის დაბარებას ეხებოდა.

როგორც თორნიკე ართქმელაძემ გამოკითხვის დაწყებამდე ჟურნალისტებს განუცხადა, წერილი, რომელიც “ლელოს” ოფისში მივიდა არ ჩაიბარეს იმიტომ, რომ ადრესატად მითითებული იყო ბადრი ჯაფარიძე და არა თვითონ პოლიტიკური გაერთიანება „ძლიერი საქართველო“. შესაბამისად, მისივე განმარტებით, წერილის ჩაბარება კანონიერი არ იქნებოდა.

„ამ ეტაპისთვის, ჩემთვის უცნობია, რა კითხვები აქვს პროკურატურას ჩემთან, თუმცა სატელეფონო საუბრისას მითხრეს, რომ ბადრი ჯაფარიძის საქმესთან დაკავშირებით სურთ მოწმის სახით დამკითხონ. არაფერი გვაქვს დასამალი, აქ მოვედი, მზად ვარ ჩვენება მივცე და მათ კითხვებს ვუპასუხო. ბადრი ჯაფარიძის საქმეში ვგულისხმობ იმას, რომ სავარაუდოდ, ეს არის ე.წ. საგამოძიებო კომისიაში არგამოცხადება. ალბათ, უწყება იყო, რაც “ლელოს” ოფისში მოიტანეს, თუმცა ადრესატი არ იყო ჩვენი პოლიტიკური გაერთიანება და ამიტომ მისი ჩაბარება, პირიქით, უკანონო იქნებოდა. მათ შეეძლოთ უამრავი სხვა მეთოდით ჩაებარებინათ ის ბატონი ბადრისთვის. სამართლებრივ პროცედურასთან კავშირი არ გაქვს, რაც აქ გაიმართება არის სრულად პოლიტიკური პროცესი. მე ვარ ადვოკატი, იმ მომენტში ვახორციელებდი ჩემს საადვოკატო უფლებამოსილებას და საერთოდ არ უნდა ვიკითხებოდე მოწმის სახით, თუმცა, ჩვენი ხელისუფლება კონსტიტუციის და კანონის ჩარჩოებიდან სრულად არის გასული”, - განაცხადა თორნიკე ართქმელაძემ.

ავტორი: ექსპრესნიუსი,

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა