2025-03-15 06:50:16, 1267 ნახვა
სამართალი
თბილისში, ჭავჭავაძის გამზირზე მკვლელობა მოხდა
თბილისში, ჭავჭავაძის გამზირზე მოკლულია მამაკაცი. ასევე დაჭრილია ერთი ადამიანი, რომელიც, არსებული ინფორმაციით, მისი თანმხლები პირია. როგორც თვითმხილველები აცხადებენ, მათ ცეცხლსასროლი იარაღიდან 10-მდე გასროლის ხმა გაიგეს. თვითმხილველების ინფორმაციით, 2 ტყვია იქვე მდებარე ერთ-ერთი კაფეს მინებს მოხვდა.
ადგილზე მობილიზებულია პოლიცია და სასწრაფო დახმარების მანქანები.
როგორც შსს-ში აცხადებენ, გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობასა და ცეცხლსასროლი იარაღის უკანონო შეძენა-შენახვა-ტარებას გულისხმობს.
ავტორი: ექსპრესნიუსი,
epn.ge (@expressnews.ge)
