საქართველო იმ ქვეყნების სიაში გადავა, რომელთა მოქალაქეებსაც ევროკავშირის წევრი ქვეყნების ტერიტორიაზე ვიზიტისთვის ვიზა აღარ დასჭრდებათ და ბიომეტრიული პასპორტი ტრანსფერისთის საკმარისი იქნება, - ამის შესახებ ევროკომისიის მიერ მომზადებულ წინადადებაშია აღნიშნული, რომელიც ევროკავშირის ოფიციალური ჟურნალის ვებგვერდზე დღეს გამოქვეყნდა.

დოკუმენტი სავიზო რეგულაციების შესახებ ევროკავშირის წევრ ქვეყნებში ამოქმედდება მაშინვე, როცა ის ძალაში შევა.

"საქართველომ ყველა იმ პუნქტს მიაღწია, რაც ვიზალიბერალიზაციის სამოქმედო გეგმაში იყო აღნიშნული და რომელიც საქართველოს მთავრობას 2013 წლის 18 თებერვალს წარედგინა. საქართველო ასრულებს არსებულ კრიტერიუმებს იმისათვის, რომ ადგილობრივ მოქალაქეებს ევროკავშირის წევრ ქვეყნებში მოგზაურობისთვის ვიზა არ დასჭირდეთ", - ნათქვამია დოკუმენტში.

იქვე ნახსენებია, რომ ვიზალიბერალიზაციასთან დაკავშირებით შემუშავებულ რეგულაციაში დიდი ბრიტანეთი და ირლანდია არ მონაწილეობს, ხოლო რეგულაცია ისლანდიაში, ლიხტენშტეინში, ნორვეგიასა და შვეიცარიაში ამოქმედდება.

როგორც დოკუმენტში წერია, ეს რეგულაცია დამტკიცების შემდეგ ძალაში ევროკავშირის ოფიციალურ ჟურნალში გამოქვეყნებიდან მე-20 დღეს შევა.

"რეგულაცია არის ევროკავშირის საერთო სავიზო პოლიტიკის ნაწილი, რომელიც 180-დღიან პერიოდში 90 დღით დარჩენას გულისხმობს", - წერია დოკუმენტში.

შეგახსენებთ, რომ მას ევროკომისარი მიგრაციის საკითხებში დიმიტრის ავრამოპულოსი პრესკონფერეციაზე საქართველოს დროით 20:30 საათზე წარადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორ პირს რომლებმაც მოქალაქეს ინტიმური ვიდეო გაუვრცელეს და თვითმკვლელობამდე მიიყვანეს ,ხოლოდ 5 წელი შეეფარდათ

უკრაინამ სამარის რეგიონში მდებარე „ტატნეფტის“ მსხვილ ქიმიურ ქარხანაზე იერიში მიიტანა

ყირიმში დრონების თავდასხმის შემდეგ ელექტროენერგია და ინტერნეტი გაითიშა

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს