2025-02-20 11:06:12, 437 ნახვა
მსოფლიო
სერგეი ლავროვი „დიდი ოცეულის“ საგარეო საქმეთა მინისტრების შეხვედრაზე დასასწრებად იოჰანესბურგში ჩავიდა
რუსეთის საგარეო საქმეთა მინისტრი, სერგეი ლავროვი „დიდი ოცეულის“ საგარეო საქმეთა მინისტრების შეხვედრაზე დასასწრებად იოჰანესბურგში ჩავიდა, -
ინფორმაციას რუსული მედია ავრცელებს.
რუსეთის საგარეო უწყების პრესსპიკერის, მარია ზახაროვას განცხადებით, მინისტრი პლენარულ სხდომებზე ისაუბრებს, სადაც საერთაშორისო ვითარების დეტალურ ანალიზს წარადგენს.
ამასთან, ზახაროვას თქმით, მუშავდება ღონისძიების ფარგლებში ლავროვსა და კოლეგებს შორის კონტაქტებიც.
ცნობისთვის, „დიდი ოცეულის“ თავმჯდომარეობა ბრაზილიიდან სამხრეთ აფრიკას გასული წლის 1-ელ დეკემბერს გადაეცა. მიმდინარე წლის 1-ელი დეკემბრიდან კი „დიდი ოცეულის“ თავმჯდომარეობას, ერთი წლით, შეერთებული შტატები გადაიბარებს.
ავტორი: ექსპრესნიუსი,
epn.ge (@expressnews.ge)
