რუსთავში ბუნებრივი აირით ინტოქსიკაციის შედეგად 33 წლის ქალი გარდაიცვალა

2016-03-09 14:13:00, 891 ნახვა

სამართალი

რუსთავში , ფალიაშვილის ქუჩაზე ბუნებრივი აირის ნამწვით 33 წლის ქალი გარდაიცვალა.

ინტოქსიკაციის შედეგად გარდაიცვალა თურან საფაროვა, ხოლო მისი მცირეწლოვანი შვილები რუსთავის ცენტრალურ საავადმყოფოში არიან გადაყვანილი.

საფაროვას ოჯახის წევრების განცხადებით, ახალგაზრდა ქალი აბაზანაში შხაპის მიღების დროს შეუძლოდ გახდა, რა დროსაც დასახმარებლად შვილებს დაუძახა.

როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, გამოძიება აღნიშნულ ფაქტთან დაკავშირებით სისხლის სამართლის კოდექსის 240-ე მუხლის მეორე ნაწილით მიმდინარეობს, რაც უსაფრთხოების წესის დარღვევას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან