უკრაინის პრეზიდენტი ვოლოდიმირ ზელენსკი თურქეთის პრეზიდენტს, რეჯეფ თაიფ ერდოღანს შეხვდება, – ამის შესახებ ინფორმაციას სააგენტო „France 24“-ი თურქეთის პრეზიდენტის კომუნიკაციების დირექტორის, ფაჰრეთინ ალტუნის განცხადებაზე დაყრდნობით ავრცელებს.

თურქეთის პრეზიდენტის კომუნიკაციების დირექტორის ცნობით, უკრაინის პრეზიდენტი, ვოლოდიმირ ზელენსკი და თურქეთის პრეზიდენტი, რეჯეფ თაიფ ერდოღანი ერთმანეთს 18 თებერვალს, ანკარაში შეხვდებიან.

„შეხვედრაზე განხილული იქნება თურქეთ-უკრაინის სტრატეგიული პარტნიორობის ყველა ასპექტი, უკრაინაში ბოლო დროს განვითარებული მოვლენები, ასევე სხვა რეგიონული და გლობალური საკითხები“, – აღნიშნავს ალტუნი X-ზე.

ამასთან, უკრაინის პრეზიდენტი 19 თებერვალს, ოთხშაბათს, საუდის არაბეთს ეწვევა, რუსი და ამერიკელი ოფიციალური პირების შეხვედრიდან ერთი დღის შემდეგ.

ხვალ, საუდის არაბეთში, აშშ-ის სახელმწიფო მდივანი, მარკო რუბიო, უკრაინაში მიმდინარე ომის დასრულების საკითხზე რუსეთის საგარეო საქმეთა მინისტრს, სერგეი ლავროვს შეხვდება.

ავტორი: ექსპრესნიუსი,

სოციალური ქსელები

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ

ხაბეიშვილი საკონსტიტუციო სასამართლოში ოპოზიციური პარტიების აკრძალვის პროცესზე დასწრებას მოითხოვს