ჟურნალისტ ეკა მიშველაძეს იმედი აქვს, რომ მისი მეუღლის, ალექსი  პეტრიაშვილის თავდასხმაში მონაწილე ყველა პირი დაისჯება. როგორც მიშველაძემ ჟურნალისტებს განუცხადა, საქმეს განზრახ მკვლელობის მცდელობის  კვალიფიკაცია უნდა მიეცეს.

"ველოდებით, რომ დაისაჯოს ყველა ის პირი, ვინც მონაწილეობდა ამ თავდასხმის დაგეგმვაში და შესრულებაში. რაც შეეხება საქმის გადაკვალიფიცირებას, ძალიან აბსურდულია საქმის აღძვრა ამ მუხლით.  ეს არის მკვლელობის მცდელობა, როდესაც ადამიანს ესვრი ამდენ ტყვიას  და თავში ურტყამ ჩაქუჩს, საფეთქელში,   ეს ნიშნავს,  რომ მას სასიკვდილოდ იმეტებ. შესაბამისად, ველდოები, რომ საქმე აუცილებლად გადაკვალიფიცირდება", - განაცხადა ეკა მიშველაძემ.

ცნობისთვის, თბილისის  საქალაქო სასამართლომ   ალექსი პეტრიაშვილის თავდასხმაში ბრალდებულ ლევან მექვაბიშვილს   აღკვეთის ღონისძიების სახით, წინასწარი პატიმრობა  შეუფარდა.

მექვაბიშვილი ამ დროისათვის ერთადერთი ბრალდებულია, რომელიც შინაგან საქმეთა სამინისტრომ ალექსი პეტრიაშვილზე განხორციელებული თავდასხმის ფაქტზე დააკავა.

შეგახსენებთ,  გამოძიება ჯანმრთელობის განზრახ მძიმე დაზიანების ფაქტზე, საქართველოს სსკ-ის 117-ე მუხლის მე-5 ნაწილით მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ