„ჯორჯიან უოთერ ენდ ფაუერმა“ “გუდვილის“ მიმდებარედ გადაუდებელი სამუშაოები უკვე დაასრულა - მიმდინარეობს წყალმომარაგების აღდგენის პროცესი.

ამის შესახებ GWP-ს განცხადებაშია აღნიშნული.

„ჰიპერმარკეტ “გუდვილის” სიახლოვეს, 1400 მმ-იანი მაგისტრალური წყალდენის მონაკვეთი დღეს დილით, დაახლოებით 6 საათზე, ავარიულად დაზიანდა. მომხდარზე კომპანია “ჯორჯიან უოთერ ენდ ფაუერის” მხრიდან რეაგირება მყისიერად მოხდა - ტექნიკურმა ბრიგადებმა მაგისტრალური მილის წყლისგან დასაცლელად სამუშაოების ჩატარება დაუყოვნებლივ დაიწყეს. ურთულესი დაზიანება მოკლე დროში იქნა ლიკვიდირებული. წყალმომარაგების აღდგენის პროცესი უკვე დაწყებულია.

“ჯორჯიან უოთერ ენდ ფაუერი” წყალსადენზე მომხდარი დაზიანების გამო მოსახლეობისთვის მიყენებულ ზარალს მოკლე დროში შეისწავლის და სრულად აანაზღაურებს“, - ნათქვამია GWP-ს განცხადებაში.

ცნობისთვის, საბურთალოს გამგეობამ აღნიშნულ საკითხზე პასუხისმგებლობა  GWP-ს დააკისრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დევდორაკის ხეობაში მეწყერის საფრთხის დონე მოხსნილია, მუშაობა განაახლა გამშვებმა პუნქტმა დარიალმა

25 სექტემბრის მდგომარეობით, კახეთში გადამუშავებულია 60 ათასი ტონა ყურძენი

ყაზბეგის საბაჟომ მუშაობა განაახლა

საქართველოს ბანკის მომხმარებლებს Western Union-ის გზავნილებზე 50%-იანი ფასდაკლებით სარგებლობა შეუძლიათ