|
2025-01-06 00:11:00, 588 ნახვა
ეკონომიკა
თბილისის ცენტრში რესტორნების რუსული ქსელის, "სიროვარნიას" ფილიალი იხსნება
რუსულენოვანი საინფორმაციო სააგენტო Smart Press წერს, რომ თბილისის ცენტრში რესტორნების რუსული ქსელის, "სიროვარნიას" ფილიალი იხსნება, მხოლოდ ბრენდის სახელწოდება ინგლისური იქნება და არა რუსული და მას Cheesefarm ერქმევა. მათივე ცნობით, რესტორანი თავისუფლების მოედნის მიმდებარე ტერიტორიაზე მდებარე 5-ვარსკვლავიან სასტუმრო "პარაგრაფ თბილისში" გაიხსნება. თბილისი მე-6 ქალაქი გახდება დუბაის (არაბთა გაერთიანებული საამიროები), ერევნის (სომხეთი), ალმატის (ყაზახეთი), დუშანბესა (ტაჯიკეთი) და ტაშკენტის (უზბეკეთი) შემდეგ, რომელშიც Novikiv Group-ის რესტორნების ქსელის ფილიალი გამოჩნდება. Cheesefarm რუსი რესტორატორის, არკადი ნოვიკოვის ბიზნესია — ქსელი საკუთარი წარმოების ყველის კოლექციითაა ცნობილი. კომპანია, რომელიც ამას აკეთებს არკადი ნოვიკოვის კუთვნილებაშია, რომელიც რუსეთის პრეზიდენტის ვლადიმერ პუტინის ერთერთი დაახლოებული პერსონაა. არკადი ნოვიკოვი 2012 და 2018 წლებში ვლადიმერ პუტინის რწმუნებული იყო. ამ როლში მან მონაწილეობა მიიღო კამპანიაში „მხარი დაუჭირე პუტინს არჩევნებში“. ნოვიკოვმა განაცხადა, რომ „პუტინი ზედმიწევნით იცნობს რუსეთს და მისი სიტყვები არასოდეს არ განსხვავდება საქმისგან“. არჩევნებში პუტინის მხარდაჭერის შემდეგ ნოვიკოვის კომპანია Intelli-მ რამდენიმე სამთავრობო კონტრაქტი მიიღო. 2018 წელს გაფორმდა ოთხი კონტრაქტი ფედერალური სახელმწიფო უნიტარული საწარმოს "პრეზიდენტის სამსახურის" ღონისძიებების მომსახურებისთვის 2 მილიონ რუბლზე მეტი ოდენობით, რამაც მას საშუალება მისცა შესულიყო კრემლის მომწოდებლების წრეში. ნოვიკოვი ასევე იყო მოსკოვის მერის სობიანინის რწმუნებულიც.
|
რედაქტორის რჩევით
საერთაშორისო ნაძირლები: როგორ აქცია ტრამპმა სამშვიდობო მოლაპარაკებები მაიამი-ბიჩში ბინის გაყიდვად
„ქართული ოცნების“ პროპაგანდისტული ეკოსისტემის კოორდინირებული კამპანია BBC-ის გამოძიების წინააღმდეგ
ომი უკრაინაში
სუმის რეგიონში დრონის მრავალსართულიან შენობაზე თავდასხმის შედეგად შვიდი ადამიანი დაშავდა
რუსეთის საოკუპაციო ძალები, უკრაინის ტერიტორიების სწრაფ ოკუპირებას ახდენენ - The Telegraph
ვიდეო/LIVE საქართველოს დამოუკიდებლობის დღე
|


ავტორი: ექსპრესნიუსი,



epn.ge (@expressnews.ge)