2024-12-16 20:01:52, 437 ნახვა

---

იოზვიაკი - EU-ს საგარეო საქმეთა მინისტრებს შორის საქართველოს შესახებ დებატები დასრულდა - უნგრეთი და სლოვაკეთი სანქციებს ბლოკავენ

ევროკავშირის საგარეო საქმეთა მინისტრებს შორის საქართველოს შესახებ დებატები დასრულდა - როგორც მოსალოდნელი იყო, უნგრეთი და სლოვაკეთი სანქციებს ბლოკავენ,- ამის შესახებ „რადიო თავისუფლების“ ევროპის ბიუროს უფროსმა, რიკარდ იოზვიაკმა განაცხადა.

როგორც იოზვიაკი სოციალურ ქსელ X-ზე წერს, სავარაუდოდ, ამ კვირაში ევროკომისია განსახილველად წარადგენს უვიზო რეჟიმის შეჩერებას ქართველი დიპლომატებისთვის, რისთვისაც კვალიფიციური უმრავლესობა არსებობს.

„ევროკავშირის საგარეო საქმეთა მინისტრებს შორის საქართველოს შესახებ დებატები დასრულდა. როგორც მოსალოდნელი იყო, უნგრეთი და სლოვაკეთი სანქციებს ბლოკავენ. თუმცა, ევროკომისია განსახილველად წარადგენს უვიზო რეჟიმის შეჩერებას ქართველი დიპლომატებისთვის, შესაძლოა ამ კვირაში. ამისთვის კვალიფიციური უმრავლესობა არის“,- წერს იოზვიაკი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი