2024-12-14 13:55:28, 472 ნახვა

---

სიჭინავა - მოსამართლე ცაცუამ, ექიმი არ ვარო და 8 დღით გაუშვა ადამიანი იზოლატორში, რომელსაც ცემისგან 3 ნეკნი აქვს ჩამტვრეული

მოსამართლე მანუჩარ ცაცუამ, ექიმი არ ვარო და 8 დღით გაუშვა ადამიანი იზოლატორში, რომელსაც ცემისგან 3 ნეკნი აქვს ჩამტვრეული,- ამის შესახებ „გახარია საქართველოს“ წევრი ბერდია სიჭინავა სოციალურ ქსელ „ფეისბუქზე წერს.

სიჭინავას განცხადებით, „ჩამტვრეული ნეკნებით ადამიანს 8 დღეს საკანში, ნარზე წოლაში გაატარებინეს“.

„მოსამართლე მანუჩარ ცაცუამ (ოროსანი იურისპრუდენციაში) ერთ-ერთი ჩვენი თანაგუნდელის საქმის განხილვისას, როცა ვითხოვდით მისთვის სამედიცინო შემოწმების ჩატარებას, რადგან ძალიან ნაცემი იყო, მე ექიმი არ ვარო და 8 დღით გაუშვა ადამიანი იზოლატორში.

დღეს, იზოლატორიდან გამოსვლის შემდეგ ჩატარებული სამედიცინო შემოწმებით დადგინდა, რომ ცემისგან 3 ნეკნი აქვს ჩამტვრეული.

ჩამტვრეული ნეკნებით ადამიანს 8 დღე საკანში ნარზე წოლაში გაატარებინეს“,- წერს სიჭინავა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი