2024-12-11 12:15:25, 444 ნახვა

---

პრეზიდენტი - ელჩებთან შეხვედრა, EU-ის ელჩსა და დე ფაქტო საგარეო მინისტრს შორის მიუღებელი ხელის ჩამორთმევის გამო, პროტესტით დავიწყე

პრეზიდენტი სალომე ზურაბიშვილი აცხადებს, რომ ელჩებთან შეხვედრაზე, საქართველოში ევროკავშირის ელჩის, პაველ ჰერჩინსკისა და საგარეო საქმეთა მინისტრის, მაკა ბოჭორიშვილის შეხვედრა გააპროტესტა.

ზურაბიშვილი საქართველოში ევროკავშირის წარმომადგენლობის მიერ გამართულ სამუშაო ლანჩთან დაკავშირებით მცირე განცხდებას სოციალურ ქსელ X-ზე ავრცელებს.

„რაც არ არის ნათქვამი ისაა, რომ მე შეხვედრა დავიწყე ძლიერი პროტესტით ევროკავშირის ელჩსა და დე ფაქტო საგარეო საქმეთა მინისტრს შორის მიუღებელი ხელის ჩამორთმევის გამო. ჩემი შექება ამას ვერ აანაზღაურებს“,- წერს ზურაბიშვილი.

შეგახსენებთ, საქართველოში ევროკავშირის ელჩის, პაველ ჰერჩინსკისა და საგარეო საქმეთა მინისტრ მაკა ბოჭორიშვილის შეხვედრა 9 დეკემბერს გაიმართა. უწყების მიერ გავრცელებული ოფიციალური ინფორმაციის მიხედვით, შეხვედრაზე საუბარი „საქართველოსა და ევროკავშირს შორის ურთიერთობების მნიშვნელოვან ასპექტებს“ შეეხო.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი