გუშინ მე რასაც ვუყურე ოპერატორი იყო რიგითი ანწუხელიძე - როგორც ანწუხელიძეს ფეხებით შედგნენ, სცემდნენ და ცემაში მოკლეს, ეს უნდოდათ,- ასე ეხმაურება „კოალიცია ცვლილებისთვის“ წევრი ივა ჭყონია გუშინ, საპროტესტო აქციის დროს „TV პირველის“ ოპერატორ გიორგი შეწირულის ცემის ფაქტს.

როგორც ჭყონიამ აღნიშნა, „ქვეყანაში ყველა ინსტიტუტი ჩამოშლილია და სამართალდამცავები აღარ არსებობენ“.

„ჩამოშლილია ყველა ინსტიტუტი, სამართალდამცავები აღარ არსებობენ. დღეს სახეზეა სრული თავგასულობა. გუშინ მე რასაც ვუყურე ოპერატორი იყო რიგითი ანწუხელიძე. როგორც ანწუხელიძეს ფეხებით შედგნენ, სცემდნენ და ცემაში მოკლეს, ეს უნდოდათ. რუსული რეჟიმი გვმართავს. ვინ უნდა გამოიძიოს? არალეგიტიმურმა ხელისუფლებამ? ვინ აღიარებს ამათ? გამოდით, არდანებდეთ, თქვენი შვილების მომავალი ხელში არ ჩაუგდოთ. ყველა ადამიანი, ვინც რამით არის დაკავებული, ქვეყნისთვის დოვლათს ქმნის, გამოდით. დღეს ყველანი, ვის თავზეც გადაიარეს, ხართ ანწუხელიძეები. ქართველი ხალხი იზეიმებს ბედნიერ ახალ წელს, ბანდიტებს ამ ქვეყანას არ დავუთმობთ“,- განაცხადა ჭყონიამ.

შეგახსენებთ, გუშინ 7 დეკემბერს, „TV პირველის“ ჟურნალისტ მაკა ჩიხლაძესა და ოპერატორ გიორგი შეწირულს საპროტესტო აქციაზე ნიღბიანი პირები სამსახურეობრივი მოვალეობის შესრულების დროს ფიზიკურად გაუსწორდნენ. ორივე მათგანი მიღებული დაზიანებებით ინგოროყვას კლინიკაში გადაიყვანეს.

ავტორი: ექსპრესნიუსი,

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით