10:37 - 07 Dec, 2025
ჩვენ შესახებ რეკლამა/ხელმოწერა
2024-12-06 17:26:49, 291 ნახვა

პოლიტიკა
კალაძე - მალე გამოჯანმრთელებას ვუსურვებ ყველას, ეს იქნება ძალადობრივი აქციის მონაწილე, სამართალდამცველი თუ ჟურნალისტი

როდესაც თავისთვის მდგარ პოლიციას აყენებ სიტყვიერ შეურაცხყოფას, ესვრი ქვებს, სხვადასხვა მძიმე საგანს, „მოლოტოვის კოქტეილებს“, ურტყამ ჯოხს, ხომ ხვდებით, ამას რა რეაგირება მოჰყვება?,- ამის შესახებ თბილისის მერმა, კახა კალაძემ ჟურნალისტებთან აქციების დროს დაშავებულებზე საუბრისას განაცხადა.

მისი თქმით, არავის აქვს უფლება, პოლიციელს „მოლოტოვის კოქტეილები“ ესროლოს.

„მინდა, მალე გამოჯანმრთელება ვუსურვო ყველას. არ აქვს მნიშვნელობა, ეს იქნება ძალადობრივი აქციის მონაწილე, სამართალდამცველი თუ ჟურნალისტი. ნებისმიერ ადამიანს მინდა, მალე გამოჯანმრთელება ვუსურვო. ჩვენ უნდა მივეჩვიოთ ობიექტურობას. ვნახეთ, როგორ იმართებოდა ძალადობრივი აქციები: მივყვეთ ქრონოლოგიურად. დღეს, ქვეყანაში ნებისმიერ ადამიანს აქვს იმის შესაძლებლობა, რომ გამოიხატოს თავისი მოსაზრება ამა თუ იმ საკითხთან დაკავშირებით. ეს შეიძლება იყოს თუნდაც აქციებით. არავინ ზღუდავს ამას. პირიქით, 2012 წლის შემდეგ ჩვენ მიერ გადადგმული ნაბიჯების შედეგად, დღეს ქვეყანაში სიტყვისა და გამოხატვის თავისუფლება დაცულია ისე, როგორც არასდროს, მაგრამ ყველაფერს აქვს თავისი ფორმა, ჩარჩო, ყველაფერი არის კანონით განსაზღვრული. როდესაც შენ თავისთვის მდგარ პოლიციას აყენებ სიტყვიერ შეურაცხყოფას, ესვრი ქვებს, სხვადასხვა მძიმე საგანს, „მოლოტოვის კოქტეილებს“, ურტყამ ჯოხს, ხომ ხვდებით, ამას რა რეაგირება მოჰყვება? არავის აქვს უფლება, პოლიციელს ამ ფორმით მიმართოს, ესროლოს „მოლოტოვის კოქტეილები“, პირდაპირ მოსაკლავად იმეტებენ. იყო კონკრეტული ფაქტები, რაც საჭიროებს სიღრმისეულ გამოძიებას, მოკვლევას. რა თქმა უნდა, ყველაფერზე იქნება შესაბამისი პასუხი. კიდევ ერთხელ მინდა, ყველას მოვუწოდო სიმშვიდისკენ. ვისაც აქვს რამის გაპროტესტების სურვილი, ამაში არავის გზღუდავს, მაგრამ რაღაც ფორმები არსებობს, რაც უნდა დავიცვათ, კანონის ჩარჩოებს არ უნდა გავცდეთ“,- განაცხადა კალაძემ.




ავტორი: NS (სტატია დაფინანსებულია),


სოციალური ქსელები
რუსეთმა უკრაინაში ომამდელი შრომისუნარიანი მამრობითი სქესის მოსახლეობის 1% დაკარგა -The Economist
მერაბ დვალიშვილმა UFC-ში საჩემპიონო ქამარი დაკარგა, იგი რუს პიოტრ იანთან დამარცხდა
120 მილიონი ევროს ჯარიმის შემდეგ ილონ მასკმა ევროკავშირის დაშლისკენ მოუწოდა
კობახიძე ირწმუნება რომ ხალხს საავადმყოფოებში მასობრივად არ მიუმართავთ ამიტომ ისინი არ მოწამლულან
რედაქტორის რჩევით

ომი უკრაინაში

ვიდეო/LIVE

საქართველოს დამოუკიდებლობის დღე












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics

X
GE25BG0000000606108352 საქართველოს ბანკი
GE41TB7089836080100007 TBC ბანკი