არ არსებობს ქართველი, რომელიც არ გაბრაზდება, როცა უცბად გრძნობს, რომ დამოუკიდებელი, თავისუფალი ქვეყანა ეცლება ხელიდან და ვბრუნდებით რუსეთში. არ არსებობს,- ამის შესახებ საქართველოს პრეზიდენტმა, სალომე ზურაბიშვილმა განაცხადა.

როგორც მან აღნიშნა, არაერთი დემონსტრაცი უნახავს სხვადასხვა ქვეყანაში. თუმცა აქციის მონაწილეები არც ერთ მანქანას, არც ერთ მაღაზიის შუშებს არ ამტვრევენ.

„ნანახი მაქვს არაერთი დემონსტრაცია სხვადასხვა ქვეყანაში. აქციის მონაწილეები არც ერთ მანქანას, არც ერთ მაღაზიის შუშებს არ ამტვრევენ, გამოდიან ძალიან მშვიდობიანად, ოჯახებით. იქ ცეკვავენ, მღერიან. რატომ უცებ შეიცვალა? ხომ ვერ მეტყვით? ვინ გამოიყვანა ეს რობოკოპები? ვინ გააბრაზა ხალხი? რატომ გააბრაზეთ ხალხი? არ არსებობს ქართველი, რომელიც არ გაბრაზდება, როცა უცბად გრძნობს, რომ დამოუკიდებელი, თავისუფალი ქვეყანა ეცლება ხელიდან და ვბრუნდებით რუსეთში. არ არსებობს. მეც არ მომწონს პიროტექნიკა, მეშინია ყოველთვის, თუნდაც ახალ წელს. პიროტექნიკა რომ შეიძლება იყოს საფრთხის შემცველი, მესმის. მაგრამ ეს ხომ არაა პრობლემა. ჯარები ვნახეთ როგორ მოდიოდნენ ხალხზე, როგორ დასდევენ, მეტროში, როგორ დასდევენ სახლებში, როგორ შედიან ღამე სახლებში, როგორ არ აცლიან, რომ ხალხი დაბრუნდეს სახლში. მე არ ვიცი ქვეყანა, სადაც ასეთი მშვიდობიანი... ჰკითხეთ უცხოელ ჟურნალისტებს, ძალიან ბევრია ჩამოსული, გაესაუბრეთ და ჰკითხეთ, რომელ ქვეყანაში უნახავთ ასეთი მშვიდობიანი, ზოგჯერ მაინც ლაღი დემონსტრაციები. ძალიან იშვიათია“,- განაცხადა პრეზიდენტმა სალომე ზურაბიშვილმა საზოგადოებრივი მაუწყებლის ეთერში.

ავტორი: ექსპრესნიუსი,

სოციალური ქსელები

ადმინისტრაცია: კობახიძე მაკრონმა პარიზში, კოსმოსის საკითხებზე დაგეგმილ პირველ საერთაშორისო სამიტზე მიიწვია

ბათუმში, ე.წ. ოცნების ქალაქში ხანძარია

კიევზე რუსეთის მასშტაბურ სარაკეტო იერიშს, სულ მცირე, 12 ადამიანი ემსხვერპლა

საერთაშორისო გადახდები უფრო სწრაფი ხდება - თიბისის და Standard Chartered Bank-ის პარტნიორობა