ვფიქრობ, სამართლიანი იქნებოდა იმის თქმა, რომ საქართველოს ამჟამინდელი არალეგიტიმური ხელისუფლება რუსეთის მარიონეტული ხელისუფლებაა,- ამის შესახებ Hermitage Capital Management-ის აღმასრულებელმა დირექტორმა და პოლიტიკურმა აქტივისტმა, ბილ ბროუდერმა ამერიკის შეერთებული შტატების სენატის საგარეო ურთიერთობათა კომიტეტში „მაგნიტსკის აქტის“ შესახებ გამართულ მოსმენაზე განაცხადა.

ბილ ბროუდერმა, საქართველოში არსებულ კრიზისში კორუფციის როლთან დაკავშირებით სენატორ ჯინ შაჰინის (დემოკრატიული პარტია) მიერ დასმულ შეკითხვას უპასუხა.

„როგორ მუშაობს კორუფცია? ავიღოთ საქართველო და მე რამდენიმე სახელსა და გვარს დავასახელებ. არსებობს ადამიანი, ივანიშვილი, რომელიც ეროვნებით ქართველია და მილიარდერია. სად იშოვა ფული? რუსეთში. როგორ იშოვა რუსეთში ფული? „გაზპრომითა“ და სხვა სახელმწიფო კომპანიების მეშვეობით, რომლებიც ჩემი გამოცდილებით კორუმპირებულები არიან. ასე რომ, მან რამდენიმე მილიარდი იშოვა, დაბრუნდა საქართველოში და როგორ აკონტროლებენ მას რუსები? ისინი ეუბნებიან, შენ ფული საეჭვო გზით იშოვე, შეგვიძლია ყველაფერი წაგართვათ, შენს წინააღმდეგ სისხლის სამართლის საქმეები აღვძრათ ან შეგვიძლია არაფერი გავაკეთოთ, თუ დაგვეხმარები და მას შემდეგ იგი მათ აქტიურად ეხმარება. ვფიქრობ, სამართლიანი იქნებოდა იმის თქმა, რომ საქართველოს ამჟამინდელი არალეგიტიმური ხელისუფლება რუსეთის მარიონეტული ხელისუფლებაა და ბატონი ივანიშვილი ამ სიტუაციაში აქტიურ როლს თამაშობს. ეს ერთი მაგალითია იმისა, თუ როგორ მუშაობს კორუფცია.

მეორე მაგალითი ის არის, რომ ხელისუფლებაში მყოფ კორუმპირებულ ადამიანებს არ სურთ, რომ მომავალმა მთავრობამ ისინი გამოიძიოს და რას აკეთებენ ისინი? ისინი ძალაუფლებას არ თმობენ და ამას აკეთებენ საარჩევნო ყუთებში ბიულეტენების ჩაყრით, არჩევნების გაყალბებით. ყველაფერი ეს ერთმანეთთან დაკავშირებულია და ამიტომაც არის კორუფცია მნიშვნელოვანი“,- განაცხადა ბილ ბროუდერმა.

ავტორი: ექსპრესნიუსი,

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს