მურუსიძემ მამუკა ახვლედიანის შემცვლელად გიორგი მიქაუტაძის კანდიდატურა დაასახელა

2016-02-29 12:15:47, 832 ნახვა

სამართალი

თბილისის საქალაქო სასამართლოს თავმჯდომარის კანდიდატურის ვინაობა ცნობილია. იუსტიციის უმაღლესი საბჭოს მდივანმა ლევან მურუსიძემ მამუკა ახვლედიანის შემცვლელად გიორგი მიქაუტაძე დაასახელა.

მანამდე კი ბილისის საქალაქო სასამართლოს თავმჯდომარის მოვალეობის შემსრულებელმა გიორგი ებანოიძემ საბჭოს წევრებს სასამართლოს გამართული ფუნქციონირების თაობაზე წინადადებები გააცნო.

დღის წესრიგით კანდიდატურის დასახელება გათვალისწინებული არ იყო. საბჭოს წევრების ნაწილისთვისაც არ იყო ცნობილი, რომ მისი მიქაუტაძის კანდიდატურა სახელდებოდა. იუსტიციის უმაღლესი საბჭოს წევრი ვახტანგ მჭედლიშვილი ითხოვს, კენჭისყრა დღესვე არ ჩატარდეს და საკითხი კვირის ბოლოსთვის გადაიდოს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან