''არა მარტო ჩვენ - დეპუტატები, არამედ მინისტრებიც კი არ დადიან დაცვით'' - ამის შესახებ თავდაცვისა და უშიშროების კომიტეტის თავმჯდომარემ, ირაკლი სესიაშვილმა რუსთავი 2ის პირდაპირ ეთერში განაცხადა. მისი თქმით ის ყველგან დაცვის გარეშე დადის და ეს აბსოლუტურად ნორმალურია. ის აღნიშნავს, რომ არა მარტო დეპუტატები, არამედ მინისტრებიც კი დაცვის გარეშე დადიან.

''არა მარტო ჩვენ - დეპუტატები, არამედ მინისტრებიც კი, რომელთაც ეკუთვნით კანონმდებლობით დაცვით სიარული ისინიც კი არ დადიან. ეს არის აბსოლუტურად ნორმალური. მე შეგიძლიათ მნახოთ, აბსოლუტურად მარტო ყოველგვარ თანხმლებ პირებთან ერთად ბაზრობაზე, ბაზარში, სტადიონზე და ყველგან,'' - განაცხადა ირაკლი სესიაშვილმა.

ის ქვეყანაში ნებისმიერი მოქალაქის მიმართ განხორციელებულ დანაშაულზე ხელისუფლების პასუხისმგებლობაზე საუბრობს, თუმცა ნაციონალურ მოძრაობას წარსულს ახსენებს და ამბობს, რომ დღეს ქვეყანაში ყველა უფრო დაცულად გრძნობს თავს ვიდრე წინა ხელისუფლების დროს.

'' ნაციონალური მოძრაობიდან ხშირად საუბრობენ, რომ ჩვენ დაუცველები ვართო. როდესაც ისინი იყვნენ ხელისუფლებაში მათი უმრავლესობა დაცვით დადიოდა. რატომ დადიოდნენ დაცვით თუკი უსაფრთხო ქვეყანაში ცხოვრობდნენ. მას შემდეგ რაც ჩვენ მოვედით ხელისუფლებაში მათ უმრავლესობამ უარი თქვა დაცვაზე. ალბათ უფრო დაცულად გრძნობენ თავს,'' - განაცხადა ირაკლი სესიაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს