სხვებში პრობლემების მუდმივად ძიება ნამდვილად არაა საუკეთესო თანამგზავრი, მით უფრო, კრიზისების დროს,- ამის შესახებ „კოალიცია ცვლილებისთვის“ ერთ-ერთი ლიდერი ნიკა გვარამია სოციალურ ქსელში წერს.

გვარამიას განცხადებით, ოპოზიციის „უსამართლო კრიტიკა“ შექმნილ ვითარებას არ ეხმარება.

„შაბათ ღამე ჩემთვის რომ ეკითხათ, მომდევნო სამი დღის განმავლობაში:

სალომე ზურაბიშვილი არჩევნებს ტოტალურად გაყალბებულად გამოაცხადებდა;

ოთხივე ოპოპარტია ერთად დადგებოდა, უარყოფდა შედეგებს და უარს იტყოდა პარლამენტში შესვლაზე; 

ევროპის 18 საგარეო მინისტრი იგივეს გაიმეორებდა;

საერთაშორისო სადამკვირვებლო მისიები ერთანეთს შეეჯიბრებოდნენ არჩევნების კრიტიკულ შეფასებაში;

აშშ-ის სახდეპი არჩევნების გაყალბების საერთაშორისო გამოძიებას მოითხოვდა;

აშშ-ის პრეზიდენტი სპეციალურ განცხადებას გააკეთებდა, რომ ეთქვა, რომ საერთაშორისო დამკვირვებლებმა არ შეაფასეს ეს არჩევნები, როგორც თავისუფალი და სამართლიანი;

ევროკავშირის ელჩი ოფიციალურ განცხადებას გააკეთებდა ევროკავშირის სახელით, რომ საქართველომ ამ არჩევნებით შანსი დაკარგა ევროინტეგრაციის და ეს პროცესი მხოლოდ მაშინ განახლდება, როცა გაყალბებული არჩევნების პრობლემა მოიხსნება;

ამ არჩევნებს მარტო აზერბაიჯანი, თურქეთი, სომხეთი, უნგრეთი და ვენესუელა აღიარებდა - მე, ალბათ, ვუპასუხებდი, რომ ეს ფანტაზიაა. არადა, ეს ყველაფერი მოხდა და ფანტაზია ნამდვილად არაა.

მე არ მიყვარს კომპლიმენტებით თავის მოქონვა და არც პირფერობა. არც თავის მოსაწყლება და იმაზე მეტის დაბრალება საკუთარი თავისთვის, ვიდრე ვიმსახურებ. სიმართლე ისაა, რომ ზემოთჩამოთვლილი, პრეზიდენტის, ხალხის, მედიის და სამოქალაქო საზოგადოების დარად, პოლიტიკოსებმაც შევძელით. ზოგჯერ ბევრად უკეთ და სწრაფად, ეფექტიანად და ეფექტურად, ვიდრე ნებისმიერმა სხვა აქტორმა. ეს სულაც არ ნიშნავს იმას, რომ წინ ასჯერ მეტი და ასჯერ უფრო სწრაფად არ უნდა ვაკეთოთ, მაგრამ უსამართლო კრიტიკა ამას ნამდვილად არ ეხმარება.  

სხვებში პრობლემების მუდმივად ძიება ნამდვილად არაა საუკეთესო თანამგზავრი, მით უფრო, კრიზისების დროს“,- წერს გვარამია „ფეისბუქის“ გვერდზე.

ცნობისთვის, გუშინ, 30 ოქტომბერს საქართველოს მესამე პრეზიდენტმა, მიხეილ სააკაშვილმა ოპოზიცია გააკრიტიკა და სოციალურ ქსელში დაწერა: „პირველი და ერთადერთი მიტინგი ორ საათში დაშალეს და შემდეგ არაფერი ხდება, გარდა გაუთავებელი შეხვედრებისა“.

ავტორი: ექსპრესნიუსი,

სოციალური ქსელები

აშშ-მ და რუსეთმა ამერიკელი ინვესტორის მონაწილეობით „ჩრდილოეთის ნაკადი 2“-ის აღდგენის საკითხი განიხილეს

პროსტიტუციის ხელშეწყობისა და პროსტიტუციისთვის ადგილის გადაცემის ბრალდებით 21 პირი დააკავეს და 11 ობიექტი დალუქეს

პროდუქტებზე ფასდაკლების პორტალი Ekalata.gov.ge უკვე Android-ისა და iOS-ის მობილურ აპლიკაციებშია ხელმისაწვდომი

ახლად შექმნილი გასტრონომიის სააგენტოს ბიუჯეტი მომავალ წელს ₾5.74 მილიონი იქნება