საქართველო საფრანგეთის, გერმანიისა და ჰოლანდიის ქვეყნების ხელმძღვანელების დარწმუნებას ცდილობს, რომ ქვეყნისთვის უვიზო მიმოსვლის მინიჭება ევროპაში არსებული მიგრაციის კრიზისთან კავშირში არ არის, - ამის შესახებ გიორგი კვირიკაშვილმა პრაღაში ვიზიტის დროს განაცხადა.

კვირიკაშვილის თქმით, ამ ქვეყნებთან შინაგან საქმეთა და იუსტიციის სამინისტროები აქტიურად მუშაობენ, რომ სამივე ქვეყნის წარმომადგენლებს არსებული ეჭვები გაუფანტონ. კვირიკაშვილმა მომავალ საპარლამენტო არჩევნებზეც ისაუბრა. მისივე თქმით, მნიშვნელოვანია არჩევნები მშვიდ ვითარებაში გაიმართოს.

„ევროკომისიის ხელმძღვანელობა, სრული შემადგენლობით მხარს გვიჭერს, თუმცა არის გარკვეული შეშფოთებები მიგრანტების კრიზისთან დაკავშირებით. ჩვენ ვცდილობთ გავაგებინოთ, რომ ვიზალიბერალიზაცია საქართველოსთვის არანაირ კავშირში არ არის მიგრანტების კრიზისთან,“ - აღნიშნა გიორგი კვირიკაშვილმა.

აღნიშნული განცხადებები საქართველოს პრემიერ-მინისტრმა პრაღაში მცხოვრებ ქართველ სტუდენტებთან შეხვედრის დროს გააკეთა. პრემიერმა სტუდენტებს ქვეყანაში არსებული ვითარების შესახებ დეტალური ინფორმაცია მიაწოდა და მიმდინარე ეკონომიკურ, ინფრასტრუქტურულ პროექტებზე ესაუბრა. ს

ტუდენტებს გიორგი კვირიკაშვილმა 4 პუნქტიანი გეგმაც გააცნო, რომლის შესრულებასაც მთავრობა ეტაპობრივად გეგმავს.

გეგმის ნაწილია განათლების სფეროში დაგეგმილი რეფორმაც, რომელსაც საქართველოს მთავრობა გერმანული მოდელის შესაბამისად დანერგავს. პრემიერმინისტრის თქმით, ამ რეფორმის წინაპირობა იქნება სახელმწიფო შრომის ბაზრის ფუნდამენტური კვლევა, რომელიც უახლოეს პერიოდში დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს