საქართველოს პრემიერ-მინისტრი, გიორგი კვირიკაშვილი მომავალ კვირაში "ახალი პოლიტიკური ცენტრი - გირჩის" წევრებს შეხვდება, - ამის შესახებ პრემიერმა "რადიო თავისუფლებისთვის" მიცემულ ინტერვიუში განაცხადა.

როგორც პრემიერ-მინისტრმა აღნიშნა, შეხვედრის ინიციატივა "გირჩს" ეკუთვნის და ისიც სიამოვნებით დათანხმდა.

"მქონდა შეხვედრა არასაპარლამენტო ოპოზიციასთან, მომავალ კვირაში ვხვდები ერთ-ერთ საპარლამენტო ოპოზიციის წარმომადგენელ პარტიას. ეს არის "გირჩი", რომლებმაც სურვილი გამოთქვეს და მე მათ სიამოვნებით შევხვდები. მიუხედავად იმისა, რომ შეიძლება ვერ შევთანხმდეთ ყველა საკითხზე. არის იდეები, რომლებზეც შეიძლება ვითანამშრომლოთ და ერთობლივად გავაკეთოთ რაღაცეები. მე მგონია, რომ ეს კარგი იქნება", - განაცხადა გიორგი კვირიკაშვილმა.

კვირიკაშვილის თქმით, არ არის კარგი, რომელიმე იდეა მხოლოდ იმიტომ დაიბლოკოს, რომ არ არის მთავრობის მიერ დაანონსებული.

"პირიქით, არავის არაფერი უნდა დავუკარგოთ, სხვათა შორის უნდა ვთქვა, რომ ჯერ კიდევ ეკონომიკის მინისტრობის დროს ზურაბ ჯაფარიძესთან მქონია შეხვედრები, დისკუსიები, რაღაცეებში ვთანხმდებით, რაღაცეებს შეიძლება ცოტა მეტი დრო სჭირდებოდეს, ვიდრე ზურას ჰგონია, მაგრამ ჩვენ გვქონდა ურთიერთპატივისცემა. ხედვებში შეიძლება იყოს განსხვავება და იყოს თანხვედრაც. ყოველ შემთხვევაში ჩემთვის დიალოგი იმ ადამიანებთან ყოველთვის სასიამოვნოა და ეს პოლემიკა სასარგებლოა ყოველთვის, თუნდაც არ სრულდებოდეს რაიმე ერთობლივი გადაწყვეტილებით", - აღნიშნა საქართველოს პრემიერ-მინისტრმა, გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს