2024-08-27 16:10:26, 639 ნახვა

---

სირსკი - უკრაინა კურსკის ოლქში 100-ზე მეტ დასახლებას აკონტროლებს, 594 რუსი სამხედრო კი ტყვედ აიყვანეს

რუსეთმა კურსკის რაიონში 30 000-მდე სამხედრო მოსამსახურე გადაიყვანა და ეს მაჩვენებელი იზრდება, - ამის შესახებ უკრაინის შეიარაღებული ძალების მთავარსარდალმა, ალექსანდრ სირსკიმ კურსკში მიმდინარე ოპერაციაზე საუბრისას განაცხადა.

სირსკის თქმით, კურსკის ოლქში ოპერაციის დაწყებიდან უკრაინამ ტყვედ აიყვანა 594 რუსი სამხედრო და აკონტროლებს 100-ზე მეტ დასახლებას, ანუ 1 294 კვადრატულ კილომეტრს.

"დღეისთვის ჩვენ ავიღეთ კონტროლი 1 294 კვადრატული კილომეტრის ტერიტორიაზე - ეს არის 100 დასახლება... ასევე მნიშვნელოვნად შევავსეთ გაცვლითი ფონდი: დღეს ამ მიმართულებით ტყვედ გვყავს რუსეთის ფედერაციის შეიარაღებული ძალების 594 სამხედრო მოსამსახურე", - განაცხადა სირსკიმ.

მისი თქმით, კურსკის მიმართულებით შეტევითი ოპერაციის ჩატარების ერთ-ერთი ამოცანა სწორედ ეს იყო - მტრის მნიშვნელოვანი ძალების სხვა მიმართულებებიდან გაყვანა - პირველ რიგში ეს ეხება პოკროვსკის და კურახივის მიმართულებებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი