2024-08-08 09:39:35, 526 ნახვა

---

სტანო - უკრაინას თავდაცვისა და მათ შორის, აგრესორის ტერიტორიაზე დარტყმის კანონიერი უფლება აქვს

უკრაინას თავდაცვის, მათ შორის აგრესორის ტერიტორიაზე დარტყმის, კანონიერი უფლება აქვს,- ამის შესახებ ევროკომისიის სპიკერი პიტერ სტანო საუბრობს და კურსკის ოლქში მიმდინარე მოვლენებს ეხმაურება.

სტანოს თქმით, ევროკავშირი, რუსეთის აგრესიისგან დასაცავად, უკრაინის ლეგიტიმური უფლების სრულ მხარდაჭერას აგრძელებს.

“ევროკავშირი აგრძელებს უკრაინის ლეგიტიმური უფლების მხარდაჭერას რუსული აგრესიისგან თავდაცვისა და სუვერენიტეტისა და ტერიტორიული მთლიანობის აღდგენის მცდელობებზე“,- განაცხადა სტანომ.

შეგახსენებთ, უკრაინულმა ძალებმა კურსკის ოლქის საზღვარი გადაკვეთეს, რასაც რუსეთის მიწაზე შეტაკებები მოჰყვა, რომელსაც რუსეთის პრეზიდენტმა, ვლადიმერ პუტინმა "დიდი პროვოკაცია" უწოდა. ოფიციალურ კიევს ამ დრომდე განცხადება არ გაუკეთებია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი