2024-07-25 14:29:18, 680 ნახვა
ომი უკრაინაში
რუსეთმა ხარკოვის ოლქის სოფლები დაბომბა - არის მსხვერპლი
რუსეთის არმიამ ხარკოვის ოლქის კუპიანსკის რაიონის სოფლები - პოდოლი, კუპიანსკ-უზლოვოი და პრიკოლოტნოიე დაბომბა. ამის შესახებ ინფორმაციას ხარკოვის საოლქო პროკურატურა ავრცელებს.
როგორც საოლქო პროკურატურის ინფორმაციაშია აღნიშნული, მომხდარის შედეგად დაიღუპა 48 წლის მამაკაცი და დაშავდა ასევე ერთი პირი.
"დაბომბვის შედეგად რუსეთმა დააზიანა სამოქალაქო ინფრასტრუქტურა", - აცხადებენ ხარკოვის საოლქო პროკურატურაში.
ავტორი: ექსპრესნიუსი,
epn.ge (@expressnews.ge)
